Saılaýaldy shtabta BAQ ókilderine arnalǵan baspasóz týry uıymdastyryldy. Olar úgit-nasıhat jáne taldaý ortalyqtarynyń, kandıdattyń qoǵamdyq qabyldaý bólmesiniń, medıa-shtabtyń, senimdi ókilderdiń jumysyn úılestirý ortalyǵynyń, baıqaýshylar shtaby men jastar sektorynyń qyzmetimen tanysty.
«Jastar Rýhy» jastar qanatynyń tóraǵasy Nurjan Jetpisbaev Halyqtyq koalısıadaǵy jastar blogynyń qyzmetin egjeı-tegjeıli túsindirdi.
«7,5 myńnan astam belsendi 3 mln-nan astam úgit-nasıhat materıalyn taratty. Olar tek únparaq taratyp qana qoımaı, «Esikten esikke» aksıasyna, saılaýshylarmen ótken ekspromt-kezdesýlerge, azamattardyń usynystary men tilekterin qabyldaý isine atsalysty. Bul saılaýdyń bir ereksheligi sol, kandıdattyń saılaýaldy baǵdarlamasyn ár saılaýshyǵa egjeı-tegjeıli túsindirip berý maqsatynda biz tek iri qalalarǵa ǵana emes, sonymen qatar shalǵaı ornalasqan aýyldarǵa da bardyq», - dedi ol.
Ulttyq volonterler jelisiniń tóraǵasy, Májilistegi «AMANAT» partıasynyń depýtaty Vera Kımniń pikirinshe, saılaý nátıjesi Qasym-Jomart Toqaevtyń reformalar baǵytyna jalpyhalyqtyq qoldaý bar ekenin dáleldeıdi.
«Kandıdattyń saılaýaldy baǵdarlamasynyń negizgi maqsaty – halyqtyń ómir sapasyn jaqsartý. Ádilettilik qaǵıdatyna sáıkes, mártebesine, jynysyna nemese jasyna qaramastan, qazaqstandyqtar teń múmkindikter men quqyqtarǵa ıe bolýy tıis. Saılaý qorytyndysy halyq Prezıdentti qoldaıtynyn kórsetti. Elimizdiń, sonymen qatar halyqaralyq baıqaýshylardyń oń pikiri saılaýdyń ashyq ári adal ótkenin aıqyndaıdy», – dedi halyq qalaýlysy.
Óz kezeginde, Olımpıada chempıony, QR Ulttyq Olımpıadalyq komıteti Bas hatshysynyń orynbasary Serik Sápıev sportshylar qaýymdastyǵynyń ustanymyn jetkizdi.
«Biz Qýatty ári Ádiletti Qazaqstan úshin daýys berdik. Saılaý ýchaskesine kelgen árbir adam óziniń azamattyq paryzyn ótep qana qoımaı, el bolashaǵy úshin tańdaý jasady dep oılaımyn. Biz el ıgiligine qyzmet etýge barymyzdy salamyz jáne barsha qatysýshylardy osyǵan shaqyramyn», – dedi ol.
Prezıdenttik jastar kadrlyq rezerviniń múshesi Ábýtálip Mútáli aldaǵy 7 jylda jastar memleket qurý isine eleýli úles qosady dep otyr.
«AMANAT» partıasy Qoǵamdyq saıasat ınstıtýty dırektorynyń orynbasary Dınara Sádýaqasova saılaýshylardyń usynysy men tilegine nazar aýdardy. Úgit-nasıhat naýqany barysynda 40 myńnan astam osyndaı usynys-tilek kelip tústi. Bul azamattardyń saıası prosesterge degen qyzyǵýshylyǵy artqanyn ańǵartady.
