Senator Sáken Arýbaev Senat otyrysynda ulyttyq qundylyqtar máselesin kóterdi, - dep habarlaidy Dalanews.kz.
Senat depýtatynyń pikirinshe, qazir qazaqstandyqtar táýelsiz Qazaqstannyń qalyptasýy men odan ári damýyna eleýli úles qosqan batyrlar men tulǵalardyń ómir tarihynan beihabar bolyp shyqqan.
"Ata-babadan qalǵan, mura men miras bolǵan ulttyq qundylyqtarymyz qashan da bilimmen, namyspen, tanymmen, tárbiemen urpaqqa daryǵan. Ókinishke qarai, qoǵamdyq sanaǵa tirek bolar osyndai qasterli qasietter batystyń ba, joq álde basqanyń ba jetegine erip, ulttyq bolmysty álsiretý ashyq kóriniske ie bolyp bara jatqandai.
Kerek deseńiz qazaqtyń qara dombyrasyn haram degen ǵaibat sózdi de estidik. Ókinishtisi, búgingi urpaq ulttyq tarihymyzdyń dińgegine ainalǵan, batyrlar men arystarynyń esimderin maqtanyshpen aitýdan, ómir joldaryn bilýden tys qalǵandai. Jastar "Abai kim?", "Qabanbai kim?", "Aqan kim?", "Qanysh kim?" degen saýaldarǵa "ákim, ministr, ataqty sportshy" degen ózek órter jaýaptar berdi", - dedi senator.
