Qaraǵandy oblysynda ústine kirpish qulaǵan bala jasandy komaǵa tústi. Dárigerler onyń bas súieginiń bir bóligin alyp tastaǵan, dep habarlaidy Dalanews.kz.
Zardap shekken balanyń anasynyń aitýynsha, sábi sol sátte ákesimen birge serýendep júrgen. Er adam balasyn der kezinde tartyp qalyp, ekinshi soqqydan qorǵap qalǵan. Soǵan qaramastan, bala kóp qan joǵaltqan.
Mádeniet basqarmasy ókilderiniń málimetinshe, ǵimarat tórt jyl buryn jóndeýden ótken. Alaida 2024 jyly alǵashqy aqaýlar anyqtalǵan. Merdiger kemshilikterdi túzetýge ýáde bergenimen, kelmegen. Keiin onyń bankrotqa ushyraǵany belgili bolǵan. Qazir ony politsiia izdestirip jatyr.
Bul oqiǵaǵa bailanysty qylmystyq is qozǵaldy.
Eske salaiyq, buǵan deiin Buqar jyraý aýdanyna qarasty Ýlianovka kentinde Mádeniet úiiniń shatyrynan qaptama kirpish qulap, úsh jasar bala jaraqat alǵanyn jazdyq.
