– Atalmysh qylmysty jasady degen kúdikpen 1987 jyly týylǵan «S» esimdi azamat ustalǵan. Qylmystyq is júrgizý kodeksiniń 128-babyna sáikes, ol ýaqytsha oqshalaý abaqtysyna qamaldy. Qazir tergeý amaldary jalǵasý ústinde. Aita ketetin jáit, buryn-sońdy bul azamat buzaqylyq deregi úshin qylmystyq jaýapqa tartylǵan, – dedi Almaty qalasy PD resmi ókili Saltanat Ázirbek.
Qaiǵyly oqiǵa jeksenbi kúni Almatynyń elitaly aýdanyndaǵy Latifa turǵyn úi kesheninde bolǵan.
Táýlikke jalǵa beriletin páterde 18 jasar qyzdy qylqyndyryp óltirgen soń órtep jibergen. Tártip saqshylary beinebaqylaý kamerasyna túsip qalǵan 34 jastaǵy kúdiktiniń ustalǵanyn rastady.
Al turǵyndardyń boijetkendi jeńiljúristi dep jariia qylǵan aqparatty departamenttegiler joqqa shyǵardy. Politsiia qaskóidiń nelikten mundai jaýyzdyqqa barǵanyn jáne ózge de málimetterdi tergeý qupiialyǵyna bailanysty jariialamady.
Nurtileý Jylqyshybai
