Ómir qinynshylyqtaryna shydai almaǵan kóptegen jastar ajyrasyp ketip jatatyny jasyryn emes. Osyndai sátterde olar psihologiialyq kómek-qoldaýǵa as qajet ekenin esten shyǵarmaýymyz kerek.
Osy rette elimizdegi Azamattyq bastamalardy qoldaý ortalyǵynyń otbasylyq qundylyqtardy nyǵaitýdy kózdeitin «Zamandas 21» qoǵamdyq qorynyń jobasyna barynsha qoldaý kórsetýde.
Búginde jas otbasylaryndaǵy qundylyqty nyǵaitý isin bul salada uzaq jyl tájiribesi bar «Zamandas 21» qoǵamdyq qory qolǵa alǵany qýantady.
– Joba otbasymen jumys isteitin mamandardy (psihologtar, pedagogtar, sýdialar) ózara is-qimyl algoritmi jáne otbasylyq qatynastardaǵy qaqtyǵystardy sheshýdiń syndarly tásili retinde daiyndaýdy kózdeidi. Oqytý barysynda mamandar jas otbasylarda oryn alatyn janjaldar kezinde daýly máseleni sheshý úshin ne isteý kerektigin túsindiredi. Biz qaqtyǵys týyndaǵan jaǵdaida ony retteýdiń joldaryn túsindiremiz. Oqytý tájiribeli mamandar úshin de, otbasyn qurýdy josparlap jatqan nemese otaý qurǵan joǵary kýrs stýdentteri úshin de qyzyqty jáne paidaly bolady dep úmittenemiz, – deidi psiholog ári joba úilestirýshisi Varvara Marhovets.
Psihologtyń pikirinshe, otbasynyń buzylýyna kóbine otbasylyq qundylyqtardyń sáikes kelmeýi sebep bolady.
– Nekeniń buzylýyna ákep soqtyratyn sebep kóp. Olardyń biri – otbasylyq qundylyqtardaǵy sáikessizdikter. Mysaly, jubailardyń biri kóp balaly otbasy qurýdy armandasa, ekinshisi bilim alýdy maqsat etedi. Ózara túsinistiktiń bolmaýy otbasyndaǵy janjaldarǵa ákeledi, - deidi mamandar.
Úilestirýshi joba aiasynda joǵary bilikti psiholog – mamandardyń tegin keńes beretindigin atap ótti.
«Zamandas 21» qoǵamdyq qory júzege asyryp jatqan joba aiasynda balalar men ata-analardyń qatysýymen sondai-aq, konkýrstar, sporttyq jarystar siiaqty basqa da is-sharalar uiymdastyrylatynyn aita ketýmiz kerek.
