2025 jyldyń 20 maýsymynan 20 shildesine deiin «Jas Keñes Siyligi» baiqaýyna ótinimderdi qabyldaý jalǵasady. Baiqaý Qazaqstan Respýblikasy Prezidenti janyndaǵy Jastar saiasaty jónindegi keńestiń bastamasymen 2024 jyly qurylǵan táýelsiz jastar syilyǵy bolyp tabylady. Bul syilyq elimizdiń ekonomikasy men qoǵamdyq ómirindegi negizgi salalarda belsendi jas mamandarǵa tabystalady.
Syilyqqa Qazaqstan Respýblikasynyń 35 jasqa tolmaǵan (35 jas qospai alǵanda) azamattary qatysa alady. Baiqaýǵa qatysýǵa ótinimdi https://www.jas-kenes.kz/application saitynda berýge bolady.
Konkýrstyq irikteý 3 kezeńnen turady. Ár nominatsiia boiynsha 2 jeńimpazdan, barlyǵy 20 jeńimpaz anyqtalady. Baiqaýdyń júlde qory – 20 million teńge (ár jeńimpazǵa 1 million teńgeden).
Ótken jylmen salystyrǵanda biyl jas ǵalymdar, joǵary oqý oryndarynyń oqytýshylary men dárigerler, aqparattyq-kommýnikatsiialyq tehnologiialar, kreativti indýstriialar jáne atom ónerkásibi salasynyń ókilderi siiaqty jańa mamandyqtar engizildi.
Uiymdastyrýshylardyń aitýynsha, biyl nominatsiialar sany 7-den 10-ǵa deiin artqan:
- «Janqiarlyq» – QR ishki ister organdary men qarýly kúshteriniń qyzmetkerlerine arnalǵan;
- «Altyn jürek» – orta jáne kishi meditsina qyzmetkerlerine (jedel járdem, akýsher, sanitar jáne t.b.) jáne dárigerlerge arnalǵan;
- «Önerkäsip» – óńdeý ónerkásibi, taý-ken-metallýrgiia kesheni jáne ekonomikanyń basqa da óndiristik sektorlarynda jumys isteitinderge arnalǵan;
- «Bolaşaq turaly qamqorlyq» – inkliýzivti oqý ortalyqtarynyń qyzmetkerlerine, arnaiy qyzmet kórsetetin uiymdarǵa, áleýmettik qyzmet kórsetetin mekemelerge (balalar úileri, hospister, qarttar úileri, múmkindigi shekteýli jandarǵa qoldaý kórsetý ortalyqtary jáne t.b.), sondai-aq volonterlerge arnalǵan;
- «Bilim jäne Ğylym» – mektepke deiingi, orta, TjKB, joǵary jáne joǵary oqý ornynan keiingi bilim berý uiymdarynyń pedagogterine, sonymen qatar ǵalymdar, ǵylymi qyzmetkerler men zertteýshilerge arnalǵan;
- «Qaisar» – avariialyq-qutqarý qyzmeti, órt sóndirýshiler jáne azamattyq qorǵanys júiesiniń ózge de uiymdarynyń qyzmetkerlerine arnalǵan;
- «Altyn qol» – syrlaýshy, santehnik, qurylysshy jáne t.b. jumysshy mamandyqtarynyń ókilderine, sondai-aq PIK, MIB jáne eldi mekenderdiń tirshiligin qamtamasyz etýge jaýapty uiymdardyń qyzmetkerlerine arnalǵan;
- «Zharyq» – energetika salasynyń, atom ónerkásibiniń, munai-gaz kásiporyndarynyń qyzmetkerlerine arnalǵan;
- «Örken» – agroónerkásip kesheni, aýyl sharýashylyǵy ónimderin qaita óńdeý jáne azyq-túlik ónimderin óndirý salasyndaǵy mamandarǵa arnalǵan;
- «Örleu» – aqparattyq-kommýnikatsiialyq tehnologiialar (onyń ishinde jasandy intellekt, derekterdi taldaý jáne t.b.) jáne kreativti indýstriialar salasynyń qyzmetkerlerine arnalǵan.
Syilyq pen Keńestiń qyzmeti týraly tolyq aqparatty https://www.jas-kenes.kz/ saitynan bile alasyzdar.
