Jas kásipkerler úshin tamasha múmkindik. Eger jasyńyz 21-35 jas aralyǵynda bolsa, qaitarymdy qarjylai kómek alýǵa múmkindik bar, dep habarlaidy Dalanews.kz.
1 mamyrdan bastap ASSYLTAS BUSINESS HELP jobasyna ótinimder qabyldanady. Jas kásipkerler 5 000 000 teńgege deiin qarjylai kómek ala alady. Joba jetekshisi Raýan Turlyǵazynyń aitýynsha, kásibin damytýǵa niet etken jastar birneshe baǵyt boiynsha baqtaryn synai alady.
“Joba kóptegen jasqa úlken múmkindik. Biyl ekinshi jyl qatarynan jas kásipkerlerdi qoldaýǵa niet ettik. Bes baǵyt boiynsha úmitkerlerge basymdyq beriledi. Bul salaýatty ómir saltyn qalyptastyrý, óndiris, qazaq tilin damytý jobalary, mobildi qosymshalar men ulttyq óner boiynsha kásibin domalatyp júrgenderde artyqshylyq bolady”,- dedi R.Turlyǵazy.
Ótinimder 1 mamyr men 1 maýsym aralyǵynda qabyldanady. Jeńimpaz 10 maýsym kúni anyqtalady. Aita keteiik, byltyr osy joba aiasynda 14 adam biznesin damytýǵa qarjylai kómek alǵan bolatyn.
Joba týraly tolyq aqparat: https://assyltas.kz/business-help/
