Ult ustazy Ahmet Baıtursynuly «Balany ulsha tárbıeleseń – ul, qulsha tárbıeleseń – qul bolmaqshy» dep ulaǵatty sóz qaldyrdy. Urpaq tárbıesi – erteńin oılaǵan eldiń eń basty mindeti bolmaq.

Almaty oblysynyń İshki ister departamenti jáne bizdiń bedeldi orny QR İİM Almaty akademıasy men İle aýdandyq bilim basqarmasynyń arasynda ózara yntymaqtastyq jónindegi memorandýmǵa qol qoıylyp, kadet balalarǵa bizdiń oqý ornynyń tájirıbesin kórsetýge kelisken bolatyn.

Sol kelisimge saı búgin bir top jas kadetter Almaty akademıasyna «Ashyq esik» kúnine kelip, kýrsanttardyń turmys-tirshiligimen, oqý barysymen tanysty. Onyń ishinde akademıada oqytatyn qazirgi qoǵamǵa kerekti IT-mamandardy oqytatyn arnaıy aýdıtorıamen jáne elimizge tanymal generaldardyń atyndaǵy dárishana, taǵy sol sıaqty birneshe aýdıtorıalarmen tanysyp, tamashalady.



Jas kadetter oqý ornyndaǵy ártúrli jattyǵý alańdarynda bolyp, qarý-jaraq túrlerimen tanys boldy. Kýrsanttardyń jatyn bólmeleri kazarmany aralap, ashanadan dám tatty.

Sport zalynda jaýyngerlik tásildermen sambo sheberleriniń ónerin tamashalap, óz qyzyǵýshylyqtaryn da bildirdi. Ekskýrsıa sońynda akademıa tyńdaýshylarymen birge sap túzep, alańnan júrip ótti. Bul da bir ádemi kórinis boldy.

Maǵjan Jumabaevtyń «Men jastarǵa senemin» degen qanatty sózimen aıtqanda árbir jas júrek azamat óziniń týǵan Otany – Qazaqstanyn janyndaı súıip, tanyp, oǵan tabynyp ósýi qajet. Sonda ǵana jas urpaq boıynda patrıottyq sezim uıalap, keleshegimiz kemeldene túsetini anyq.