Almaty oblysy Talǵar aýdany Óstemir aýylynda jyl saıyn 23 naýryz kúni «Qyzaı ana» qorynyń uıytqy bolýymen dástúrli Naýryz merekesin keń kólemde atap ótedi. Qyzaı ana kóshesinde án men bı, kúı men ulttyq oıyndardan konserttik baǵdarlama berilip, myńdaǵan halyq ulyq merekeni sán-saltanatymen qarsy alady. Bıyl 5-ret ótkeli otyrǵan shara aıasynda Toqqazy áýletiniń arnaıy taǵaıyndaýymen jas aqyndar jyr músháırasyn qosa ótkizýdi josparlap otyr.

Músháıranyń maqsaty – jas aqyndar shoǵyryn qanattandyrý, ulyq mereke áz Naýryz kezinde jas talaptardyń elge tanylýyna yqpal etý.

Musháıraǵa 30 jasqa deıingi jas aqyndar qatysa alady.

Bir óleń Qyzaı ana obrazyna arnalyp, onyń rýhanı beınesin kesteli tilmen órnekteýi kerek.

Budan bólek erkin taqyrypta eki óleńin qosa jiberýi tıis. Jarysqa jiberilgen óleńder buryn eshqandaı jerde jarıalanbaǵan bolýy shart.

Músháırada júlde alǵan jyrlar BAQ-tarda jarıalanatyn bolady.

Músháıradan júldeger atanǵan aqyndar aqshalaı syılyqpen marapattalady.

Músháıranyń qorytyndysy 23 naýryz kúni Talǵar aýdany Óstemir aýylynda ótetin merekelik shara kezinde belgili bolady.

Músháıraǵa qatysýshylar ózderiniń meken-jaıy men baılanys telefondaryn qosa jiberýleri kerek.

Óleńder tómendegi elektrondyq poshtaǵa naýryzdyń 18-ne deıin jiberilýi kerek: babakhan_82@mail.ru

Habarlasý telefony: 8701-439-62-67, 87770218991