Májilis depýtaty Daniiar Qasqaraýov QR Premer-ministri Oljas Bektenovke depýtattyq saýal joldap, Almaty qalasynyń qaq ortasynda ornalasqan Ibragim Núsipbaev atyndaǵy №4 mektep-internattyń qazirgi múshkil jaǵdaiyn kóterdi, dep habarlaidy Dalanews.kz.
Jarty ǵasyrlyq tarihy bar bilim ordasy qiyn jaǵdaida
Halyq qalaýlysynyń aitýynsha, bul mektep Almaty qalasyndaǵy alǵashqy qazaq mektepteriniń biri sanalady. Ol bastapqyda daryndy balalardyń, kópbalaly jáne áleýmettik jaǵdaiy tómen otbasylardan shyqqan balalardyń sapaly bilim alýyna múmkindik berý úshin salynǵan.
Alaida búginde bilim oshaǵynyń jaǵdaiy syn kótermeidi. Sońǵy jiyrma jyldan astam ýaqyt kúrdeli jóndeý júrgizilmegen, mektep ábden eskirip, oqýshylar men muǵalimderge qolaisyzdyq týdyryp otyr.
“350 oqýshyǵa arnalǵan mektepte búginde bala sany eki esege qysqaryp, 176 oqýshy bilim alýda. Alaida olar sport zalda uiyqtap, oqý synyptarynda tamaqtanýǵa májbúr,” – dedi depýtat.
Milliondar bólindi, biraq qurylys aiaqsyz qaldy
Mektepti jóndeýge úsh jyl buryn 503 million teńge bólingen, memlekettik satyp alý konkýrsynda “GradStroiServis” JShS jeńiske jetken. Jospar boiynsha qurylys tórt ai ishinde aiaqtalýy tiis bolǵan. Alaida merdiger óz mindetin oryndamaǵan.
“Osyǵan jaýapty mekemeler qaida qarap otyr?! HHI ǵasyrda, Almatynyń ortasyndaǵy mekteptiń mundai jaǵdaiǵa túsýi qalai múmkin?!” – dep máseleni kóterdi depýtat.
Mektepti Qonaev qalasyna kóshirý jospary bar, biraq qoǵam qarsy
Qazir mektepti Almatydan Qonaev qalasyna kóshirý máselesi qarastyrylyp jatyr. Alaida bul sheshimge mektep túlekteri, muǵalimder jáne ata-analar túbegeili qarsy.
“Bul – shalǵai aýyldardan kelgen balalarǵa úlken qalada, ziialy ortada bilim alýǵa berilgen múmkindikti tartyp alý,” – dedi depýtat.
Daniiar Qasqaraýov sondai-aq, mekteptiń jerine qatysty alańdaýshylyq bar ekenin aitty. Buǵan deiin Almatydaǵy №2 mektep-internattyń jeri alynyp, ornyna turǵyn úiler salynǵan. Osyǵan bailanysty №4 mektep-internat ta dál sondai taǵdyrǵa ushyrai ma degen qaýip bar.
Depýtat Úkimetke qandai sharalar qabyldaýdy usyndy?
Qasqaraýov Premer-ministrden myna máselelerdi sheshýdi surady:
1. Mektepti jóndeýdi aiaqtamai, memleket qarjysyn ysyrap etken kompaniia basshylaryn jáne jaýapty tulǵalardy jaýapqa tartý.
2. №4 mektep-internatty shuǵyl túrde kúrdeli jóndeýden ótkizip, jańa oqý jylyna paidalanýǵa berý.
3. Mektepti basqa jerge kóshirý bastamalaryn túbegeili toqtatý.
Depýtat bul máseleni jiti baqylaýda ustaitynyn jetkizdi.
