QR Densaýlyq saqtaý ministri Aqmaral Álnazarova men «Samruk-Kazyna Trust» KQ bas direktory Alfiia Adieva «Meditsinalyq poiyzdar» jobasy boiynsha jaýapkershilikti kúsheitý men bailanysty nyǵaitý týraly yntymaqtastyq memorandýmyna qol qoidy.
- Qujatta qos jaqtyń jaýapkershiligin nyǵaitý, yntymaqtastyq maqsattaryna qol jetkizýdi qamtamasyz etý siiaqty máseleler qaralǵan. Ótken jyly medpoiyz 121 stantsiiany aralasa, biyl QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń bastamasymen 140 shalǵai eldimekendegi azamattarǵa tegin meditsinalyq jáne quqyqtyq kómek kórsetiledi, – dep atap ótti «Samruk-Kazyna Trust» qorynyń bas direktory Alfiia Adieva.
Osylaisha ministrlik quramdy bilikti mamandarmen, talapqa sai qural-jabdyqpen qamtamasyz etip, olardy turaqty túrde nazarynda ustasa, qor jalpy jobany, poiyzdyń úzdiksiz qatynaýyn úilestirip, Ulttyq komissiia usynysymen zańgerler jumysyn qarastyrady.
Aldaǵy ýaqytta «Járdem» meditsinalyq poiyzy arqyly 20 sáýirden jeltoqsan aiyna deiin 90 myń aýyl turǵyny emdik-keńes berý qyzmetin aqysyz alady dep kútilýde.
