ق ر دەنساۋلىق ساقتاۋ ءمينيسترى اقمارال ءالنازاروۆا مەن «Samruk-Kazyna Trust» كق باس ديرەكتورى الفيا ادييەۆا «مەديسينالىق پويىزدار» جوباسى بويىنشا جاۋاپكەرشىلىكتى كۇشەيتۋ مەن بايلانىستى نىعايتۋ تۋرالى ىنتىماقتاستىق مەموراندۋمىنا قول قويدى.
- قۇجاتتا قوس جاقتىڭ جاۋاپكەرشىلىگىن نىعايتۋ، ىنتىماقتاستىق ماقساتتارىنا قول جەتكىزۋدى قامتاماسىز ەتۋ سياقتى ماسەلەلەر قارالعان. وتكەن جىلى مەدپويىز 121 ستانسيانى ارالاسا، بيىل ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ باستاماسىمەن 140 شالعاي ەلدىمەكەندەگى ازاماتتارعا تەگىن مەديسينالىق جانە قۇقىقتىق كومەك كورسەتىلەدى، – دەپ اتاپ ءوتتى «Samruk-Kazyna Trust» قورىنىڭ باس ديرەكتورى الفيا ادييەۆا.
وسىلايشا مينيسترلىك قۇرامدى بىلىكتى ماماندارمەن، تالاپقا ساي قۇرال-جابدىقپەن قامتاماسىز ەتىپ، ولاردى تۇراقتى تۇردە نازارىندا ۇستاسا، قور جالپى جوبانى، پويىزدىڭ ۇزدىكسىز قاتىناۋىن ۇيلەستىرىپ، ۇلتتىق كوميسسيا ۇسىنىسىمەن زاڭگەرلەر جۇمىسىن قاراستىرادى.
الداعى ۋاقىتتا «جاردەم» مەديسينالىق پويىزى ارقىلى 20 ساۋىردەن جەلتوقسان ايىنا دەيىن 90 مىڭ اۋىل تۇرعىنى ەمدىك-كەڭەس بەرۋ قىزمەتىن اقىسىز الادى دەپ كۇتىلۋدە.
