Jaqsylyq Muqashuly Omar 1980 jyly 28 qyrkúıekte Almaty oblysy Alakól aýdany Úsharal aýylynda dúnıege kelgen. 2001 jyly Abaı atyndaǵy Almaty memlekettik ýnıversıtetin támamdaǵan.
Mamandyǵy – geografıa pániniń oqytýshysy, memlekettik jáne jergilikti basqarý bakalavry.
Eńbek jolyn Qazaqstan Respýblıkasy Mádenıet, aqparat jáne qoǵamdyq kelisim mınıstrligi Respýblıkalyq halyqaralyq mádenı baǵdarlamalar komıteti dıreksıasynyń jetekshi mamany bolyp bastady.
Ár jyldarda Mádenıet mınıstrliginde jetekshi maman, bas maman, Qarjy mınıstrligi Kedendik baqylaý komıtetiniń mamany, «Qazaqstan» RTRK» AQ «Astana» TRK dıreksıasy dırektorynyń orynbasary, qoǵamdyq-saıası bóliminiń prodúseri, «Arnamedıa» UAH» AQ bas menejeri, Parlament Májilisi apparaty baspasóz qyzmetiniń sarapshysy, Shyǵys Qazaqstan oblysy ákiminiń kómekshisi, Shyǵys Qazaqstan oblystyq İshki saıasat basqarmasy basshysynyń orynbasary, basshysy, Shyǵys Qazaqstan oblystyq mádenıet basqarmasynyń basshysy laýazymdaryn atqardy.
2013 jyldyń mamyr aıynan – Shyǵys Qazaqstan oblysy ákiminiń orynbasary.
Aıta ketsek, Almaty oblysy ákiminiń ókimimen basqa jumysqa aýysýyna baılanysty Baqtıar Áltaıuly Ónerbaev oblys ákiminiń orynbasary qyzmetinen bosatyldy.
