Frantsiia qazaqstandyqtar úshin viza rejimin jeńildetýdi qoldap otyr, - dep habarlaidy Dalanews.kz.
Ishki ister ministri Erjan Sadenov jumys saparymen Frantsiia Respýblikasyna jáne Niderland Koroldigine baryp, eýropalyq jáne halyqaralyq politsiia qurylymdarynyń basshylyǵymen birqatar ekijaqty kezdesý ótkizgen.
Parij qalasynda ministr Frantsiia Respýblikasynyń ishki ister ministri Briýno Retaiomen kelissózder júrgizip, 2009 jyldan bastap qoldanystaǵy Qylmyspen kúres týraly kelisim aiasyndaǵy ózara is-qimyldyń jai-kúiin qaraǵan.
Readmissiia jáne kóshi-qon baqylaýy salasyndaǵy aqparat almasý máselelerine erekshe nazar aýdarylǵan. Byltyr qol qoiylǵan Readmissiia týraly kelisimdi iske asyrýǵa ózara daiyndyq pysyqtalǵan.
Frantsýz tarapy Qazaqstan azamattary úshin Eýropalyq odaq elderi tarapynan viza rejimin jeńildetý rásimin qoldaýǵa daiyn ekenin bildirgen.
