Seismologiia salasyndaǵy japon mamandary Qazaqstannyń eń iri qalasy Almatyǵa jaqynda bolǵan jer silkinisteriniń tabiǵatyn zertteý úshin keledi, - dep habarlaidy Dalanews.kz.
16-19 sáýir aralyǵynda Almatyda seismikalyq qaýipsizdik máseleleri boiynsha arnaiy seminar ótedi.
Syrtqy ister ministrliginiń resmi ókiliniń sózinshe, seismikalyq qaýipsizdik boiynsha seminardy Qazaqstandyq halyqaralyq damý agenttigi (KazAID) uiymdastyrady.
"Japoniianyń Halyqaralyq damý agenttigi (JICA), Qazaqstannyń qurylys salasyndaǵy memlekettik ǵylymi-zertteý jáne jobalaý institýty, tabiǵi apattar qaýpin azaitý ortalyǵy birlesip uiymdastyrady", - dedi ol uiymdastyrýshylar jóninde.
Japon ǵalymdary Orta Aziianyń jáne Kavkaz elderiniń ókilderimen birlesip, seismikalyq qaýipsizdik boiynsha ózara tájiribe almasady.
"Seismikalyq oqshaýlaý salasyndaǵy ozyq tehnologiialar men standarttar týraly pikir almasyp, seismikalyq qurylystaǵy áleýetti yntymaqtastyqty talqylaidy.
Sarapshylar Almaty jáne Noto qalalaryndaǵy sońǵy jer silkinisin zertteidi. Bul bolashaqta seismikalyq táýekeldiń aldyn alý strategiiasyn ázirleýge óz septigin tigizedi", - dedi Smadiiarov.
23 qańtar men 4 naýryzda Almatyda Rihter shkalasy boiynsha bes balldan asatyn jer asty dúmpýleri tirkeldi.
