Bir aı ishinde ortalyqqa 2419 adam 3677 suraq boıynsha júgingen.
Munyń kóbi ataýly áleýmettik kómek, turǵyn úı, nesıelik boryshty jabý, bıznes ashý, quqyqtyq kómek sıaqty túıindi máseleler boldy. 2937 suraq boıynsha júıeli keńester berilgen. 741 suraqqa qatysty máseleni sheshý boıynsha sharalar qabyldanǵan.
«Ortalyqqa kelýshilerdiń ishinde 741 suraqqa qatysty máseleni sheshý boıynsha sharalar qabyldandy. Onyń ishinde 156 adamnyń ataýly áleýmettik kómek taǵaıyndaýǵa qujattar qabyldandy.
Turǵyn úı máseleleri (kezekti anyqtaý - 65, Turǵyn úı qurylys jınaq bankinde shot ashý - 32, qonys aýdarý («Nurly Ertis» - 4, SQO-4) boıynsha 105 turǵynǵa kómek kórsetilse, 68 - bilim berý (mektepke jol -3, jappaı oqytý -12, bala-baqshaǵa kezekke qoıý -35, kezekti anyqtaý -18) salasy boıynsha, 30 – densaýlyq salasy boıynsha naqty kómek aldy. 61 azamat jumysqa ornalastyryldy», - dedi Nur-Sultan qalasy «Januıa» otbasy ınstıtýtyn qoldaý ortalyǵynyń úılestirýshisi Áıgerim Táńirbergenova.
«Bir tereze» qaǵıdasy boıynsha 70-ten astam memlekettik qyzmet kórsetetin «Januıa» ortalyǵy alańynda áleýmettik qorǵaý, bilim, densaýlyq saqtaý salasy mekemeleri, úkimettik emes uıymdar kásibı psıhologtar jáne taǵy basqalar belsendi is-sharalar ótkizip keledi.
Barlyǵy 1932 adamdy qamtyǵan 68 shara ótkizildi.
Aıtalyq, Otbasy kúni qarsańynda áıelder isteri jáne otbasy-demografıalyq komısıasynyń hatshysy, qalalyq basqarmalarmen birlese otyryp, Nur-Sultan qalasy túlekterine joǵarǵy oqý oryndaryna oqý granttaryn tabystaý, «Otbasy qundylyqtary. Genderlik mádenıetti qalyptastyrý» úzdik bılbord eskızi konkýrsynyń jeńimpazdaryn marapattaý jáne kámeletke tolmaǵandar men olardyń ata-analary úshin 14 semınar-trenıngter uıymdastyryldy.
