Aqtóbe oblysynda jol apatynan 4 adam qaza tapty, dep habarlaidy Dalanews.kz.
Aldyn ala málimetke sáikes Aqtóbe-Orsk tasjolynda Opel markaly jeńil kóliktiń júrgizýshisi qarsy qozǵalys jolaǵyna shyǵyp, DAF markaly júk kóligimen soqtyǵysqan.
"Jol apaty saldarynan jeńil kóliktiń júrgizýshisi men úsh jolaýshysy oqiǵa ornynda kóz jumdy. Qazir oqiǵa ornynda jedel tergeý toby jumys istep jatyr", - dep jazylǵan Aqtóbe oblysy PD habarlamasynda.
Politsiia departamenti jol qozǵalysyna qatysýshylardy jol erejelerin qatań saqtaýǵa shaqyrdy.
Eske salaiyq, búgin Aqtóbe oblysynda 10 kólik jol apatyna ushyrady.
