– Bıyl bizdiń elimizde shyn mánindegi ǵajaıyp oqıǵa – «Astana EKSPO-2017» halyqaralyq kórmesi ótýde. Bul tehnıkalyq jáne tehnologıalyq jetistikterdi kórsetetin, jańa ıdeıalar men qyzyqty jobalardyń nyshany, ındýstrıalandyrý sımvoly bolyp tabylatyn halyqaralyq kórme. Al búgingi taýaróndirýshiler kórmesiniń ótkizilýi biz úshin óte mańyzdy oqıǵa. Munda ózimizdiń jetistikterimizdi kórsetip, kópshilikke tanymal etýge, tutynýshylar men óndirýshiler arasynda tyǵyz baılanysty ornatýǵa múmkindik kóp, – dedi Janseıit Qanseıituly.
«EKSPO-2017» halyqaralyq mamandandyrylǵan kórmesine kúngeıden jetken tamaq jáne jeńil ónerkásip, mashına jasaý, farmasevtıka jáne qurylys zattary salalarynyń 60-tan astam kásiporny qatysyp jatyr.
Úsh kúnge jalǵasatyn sharada Ońtústiktiń shaǵyn qarjylandyrý ortalyqtary men aýyr jáne jeńil ónerkásipterge qatysty ındýstrıaldy aımaqtary, áleýmettik-kásipkerlik korporasıa men kóliktik-logıstıkalyq aımaqtar, týrısik aqparattyq ortalyqtardyń dúńgirshekteri qoıyldy.
Bas qaladaǵy «Beıbitshilik jáne kelisim» saraıynda uıymdastyrylyp jatqan kórmege kelýshiler, atap aıtqanda, oblysymyzǵa keńinen tanymal kilem ónimderi men shulyq-uıyq buıymdaryn, úıge arnalǵan toqyma buıymdardy, kıimder, oqý formalary, sábılerge arnalǵan jıyntyqtardy tamashalap jatsa, birqatar qonaqtar Ońtústikte tigilgen aıaq kıimder men erler kostúmderin kıip kórip júr. Munan bólek, elordalyq jurtshylyqtyń nazaryna kúngeıde jasalǵan transformatorlar, dárilik zattar men medısınalyq maqsattaǵy buıymdar, medısınalyq qurylǵylar, qurylys zattary, jıhaz, azyq-túlik ónimderi jáne ózge de ónimder usynylýda.
Erekshe aıta ketetin jaıt, kórmege kelýshilerdiń sharada usynylǵan Ońtústik ónimderin naryqtaǵy baǵadan 15-20 paıyzǵa arzan satyp alýǵa múmkindigi bar.
Atalǵan is-shara aıasynda LED ekranda oblystyń ınvestısıalyq tartymdylyǵy boıynsha beıne rolık pen oblystyq ónerkásip kásiporyndary týraly fılmder kórsetiletin bolady.
OQO ákiminiń baspasóz qyzmeti
