Túrkistan qalasyndaǵy mádeniet úiinde «TÚRKISTAN: JAŃA AQPARATTYQ KEŃISTIK» atty halyqaralyq jýrnalister forýmy ótti.
Oǵan elimizben qatar Túrkiia, Qyrǵyzstan, Ázirbaijan jáne Tatarstan elderiniń aqparattyq agenttikteri men beldi basylymdardyń jetekshileri, Túrkistan oblysyndaǵy BAQ basshylary men ókilderi ǵalymdar jáne stýdentter qatysty.
Forýmnyń maqsaty – Túrkistan oblysynyń basty brendin qalyptastyrý, oblystyń oń imidjin kóterý, sondai-aq, Túrkistan qalasyn túrki áleminiń rýhani ortalyǵyna ainaldyrý, óńirdegi igilikti isterdi túrki tildes elderdiń BAQ-da taratý jáne ózge memleketterimen aqparattyq salada yntymaqtastyqty arttyrý. Sonymen qatar, óńir jýrnalistikasyn damytý baǵytyndaǵy tyń ideialar men bastamalardy júieleý de kózdelgen.
Forýmnyń ashylýynda oblys ákimi Janseiit Túimebaev sóz sóiledi. Ol jiynnyń mańyzdylyǵyna toqtalyp, media keńistikti damytý, kieli shahardy Túrki áleminiń rýhani ortalyǵyna ainaldyrý jolynda osyndai keleli keńesterdiń oń yqpal etetinin aitty.
«Elbasymyz Túrkistan qalasyn Túrki áleminiń rýhani ortalyǵyna jáne álem týristeri kelýge asyǵatyn qalaǵa ainaldyrý jóninde tapsyrma bergen bolatyn. Qazaqstan halqyna arnaǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda da týrizm máselesine erekshe toqtaldy. Týrizmdi damytýda aqparattyq mańyzy zor. Búgin sheteldik aqparat quraldary ókilderin, elimizdiń jetekshi telearnalary men basylymdarynyń basshylaryn, óńirdegi redaktorlar men jýrnalisterdiń basyn qosýdaǵy maqsatymyz da – birlesip jumys isteýge shaqyrý. Oblysty damytý hám túletý baǵytyndaǵy oi-pikirlerin bilý. Qalany kórkeitýge jáne jýrnalistikany damytýǵa arnalǵan usynystardy tyńdaýǵa ázirmiz. Búginde oblys ortalyǵyna memlekettik qyzmetkerlermen qatar birqatar jýrnalister kóship keldi. Olar Túrkistannyń jańa jylnamasyn jazyp jatyr. Sizderdi de Túrki áleminiń rýhani ortalyǵyna jumys isteýge shaqyramyn. Búgingi forým jýrnalister qaýymyna tyń serpin berip, jańa shyǵarmashylyq izdenisterge jeteleidi dep senemin. Tájiribe almasý, pikirlesý, aqyldasý arqyly jýrnalistika damidy. Forým jumysyna sáttilik tileimin!», – dedi J.Qanseiituly.
