Qazaqstandyq boksshy, WBO jáne IBF nusqasy boiynsha álem chempiony Jánibek Álimhanuly doping daýyna bailanysty tanymal Ring Magazine portalynyń orta salmaqtaǵy úzdik boksshylar reitinginen shyǵaryldy, dep habarlaidy Dalanews.kz.
Jańartylǵan reitingte buryn birinshi orynda turǵan Jánibek Álimhanulynyń esimi kezdespeidi. Al portal basqa boksshylardy orta salmaqtaǵy úzdik pozitsiialarǵa ornalastyrǵan.
Eske salaiyq, 6 jeltoqsanda Jánibek Álimhanuly Kýba boksshysy Erislandi Laramen jekpe-jekke shyǵýy tiis edi. Alaida kezdesýdiń bolmaityny resmi túrde habarlandy. Buǵan qazaqstandyq boksshynyń analizinen meldonii atty tyiym salynǵan preparat tabylǵany sebep boldy.
Keiin bul jaǵdaiǵa Týrizm jáne sport vitse-ministri Serik Jarasbaev pikir bildirdi.
Vitse-ministr qazirgi ýaqytta vedomstvo Jánibektiń komandasymen turaqty bailanysta ekenin jetkizdi. Sheneýnik oqiǵany saraptaýǵa asyqpai, resmi tergeý qorytyndysyn kútýdi usyndy.
"Jánibek Álimhanulynyń jekpe-jegine qatysty men buǵan deiin de pikir bildirdim. Qazir Týrizm jáne sport ministrligi Jánibektiń komandasymen bailanysta. Ókinishke qarai, uiymdastyrýshylar onyń synamasynan... tyiym salynǵan zat anyqtalǵanyn habarlady. Saldarynan jekpe-jek toqtatyldy. Degenmen biz onyń doping qoldanbaǵanyna senemiz jáne senimdimiz. Ol zattyń aǵzasyna qalai túskeni áli anyqtalýy kerek. Bul máselemen antidopingtik uiymdar ainalysady. Qorytyndyǵa asyqpaýǵa keńes beremiz. Antidopingtik tergeý tolyq aiaqtalsyn. Qajet bolǵan jaǵdaida ministrlik halyqaralyq sarapshylardy tartýǵa daiyn", – dedi vitse-ministr.
Vedomstvo ókilderi tergeý nátijesi shyqpai turyp boksshyǵa aiyp taǵý durys emes dep sanaidy. Jarasbaevtyń aitýynsha, qajet bolǵan jaǵdaida Ministrlik Jánibekke qoldaý kórsetip, halyqaralyq deńgeidegi sarapshylardy da tartýy múmkin.
