قازاقستاندىق بوكسشى, WBO جەنە IBF نۇسقاسى بويىنشا ەلەم چەمپيونى جەنٸبەك ەلٸمحانۇلى دوپينگ داۋىنا بايلانىستى تانىمال Ring Magazine پورتالىنىڭ ورتا سالماقتاعى ٷزدٸك بوكسشىلار رەيتينگٸنەن شىعارىلدى, دەپ حابارلايدى Dalanews.kz.
جاڭارتىلعان رەيتينگتە بۇرىن بٸرٸنشٸ ورىندا تۇرعان جەنٸبەك ەلٸمحانۇلىنىڭ ەسٸمٸ كەزدەسپەيدٸ. ال پورتال باسقا بوكسشىلاردى ورتا سالماقتاعى ٷزدٸك پوزيتسييالارعا ورنالاستىرعان.
ەسكە سالايىق, 6 جەلتوقساندا جەنٸبەك ەلٸمحانۇلى كۋبا بوكسشىسى ەريسلاندي لارامەن جەكپە-جەككە شىعۋى تيٸس ەدٸ. الايدا كەزدەسۋدٸڭ بولمايتىنى رەسمي تٷردە حابارلاندى. بۇعان قازاقستاندىق بوكسشىنىڭ اناليزٸنەن مەلدونيي اتتى تىيىم سالىنعان پرەپارات تابىلعانى سەبەپ بولدى.
كەيٸن بۇل جاعدايعا تۋريزم جەنە سپورت ۆيتسە-مينيسترٸ سەرٸك جاراسباەۆ پٸكٸر بٸلدٸردٸ.
ۆيتسە-مينيستر قازٸرگٸ ۋاقىتتا ۆەدومستۆو جەنٸبەكتٸڭ كومانداسىمەن تۇراقتى بايلانىستا ەكەنٸن جەتكٸزدٸ. شەنەۋنٸك وقيعانى ساراپتاۋعا اسىقپاي, رەسمي تەرگەۋ قورىتىندىسىن كٷتۋدٸ ۇسىندى.
"جەنٸبەك ەلٸمحانۇلىنىڭ جەكپە-جەگٸنە قاتىستى مەن بۇعان دەيٸن دە پٸكٸر بٸلدٸردٸم. قازٸر تۋريزم جەنە سپورت مينيسترلٸگٸ جەنٸبەكتٸڭ كومانداسىمەن بايلانىستا. ٶكٸنٸشكە قاراي, ۇيىمداستىرۋشىلار ونىڭ سىناماسىنان... تىيىم سالىنعان زات انىقتالعانىن حابارلادى. سالدارىنان جەكپە-جەك توقتاتىلدى. دەگەنمەن بٸز ونىڭ دوپينگ قولدانباعانىنا سەنەمٸز جەنە سەنٸمدٸمٸز. ول زاتتىڭ اعزاسىنا قالاي تٷسكەنٸ ەلٸ انىقتالۋى كەرەك. بۇل مەسەلەمەن انتيدوپينگتٸك ۇيىمدار اينالىسادى. قورىتىندىعا اسىقپاۋعا كەڭەس بەرەمٸز. انتيدوپينگتٸك تەرگەۋ تولىق اياقتالسىن. قاجەت بولعان جاعدايدا مينيسترلٸك حالىقارالىق ساراپشىلاردى تارتۋعا دايىن", – دەدٸ ۆيتسە-مينيستر.
ۆەدومستۆو ٶكٸلدەرٸ تەرگەۋ نەتيجەسٸ شىقپاي تۇرىپ بوكسشىعا ايىپ تاعۋ دۇرىس ەمەس دەپ سانايدى. جاراسباەۆتىڭ ايتۋىنشا, قاجەت بولعان جاعدايدا مينيسترلٸك جەنٸبەككە قولداۋ كٶرسەتٸپ, حالىقارالىق دەڭگەيدەگٸ ساراپشىلاردى دا تارتۋى مٷمكٸن.
