Májilis depýtaty Edil Janbyrshin men bloger Damilia Tankibaeva arasyndaǵy jazbalar áleýmettik jelilerde qyzý talqylanýda, dep habarlaidy Dala News.
Jelide taraǵan skrinshottarǵa sáikes, depýtat blogerdi Mańǵystaý oblysyna birge barýǵa shaqyryp, jol shyǵyny men turý máselesin óz moinyna alatynyn aitqan.
Habarlamada Janbyrshin kelesi aptada óńirge baratynyn, sailaýshylarmen kezdesip, birqatar máselelerdi birge talqylaýdy usynǵany kórsetilgen. Sondai-aq sapar Jańaózennen bastalyp, itter talap ketken balanyń otbasyna barý josparlanǵany aitylǵan.
Óz kezeginde bloger bul usynysty qabyldaǵanyn jazyp, keiin áýe biletterin alǵanyn habarlaǵan. Skrinde Kaspi qosymshasy arqyly 110 myń teńge aýdarylǵany kórinedi, tólem sipattamasynda «áýe biletteri úshin» dep kórsetilgen.
Bul jaǵdai jeli qoldanýshylary arasynda pikirtalas týdyryp, keibiri depýtattyń bloger saparyn qarjylandyrýyna qatysty suraqtar qoidy.
Qazirgi ýaqytta resmi túsinikteme jariialanǵan joq.
