Janaidar Eginbaiulyn eske alý týrniri ótti
Jarys qorytyndysy boiynsha ótken marapattaý rásiminde oblys ákimi A. Batalov:
– Janaidar Jylqaidaruly kóńili keń, júregi jomart, óte eńbekqor, jan-jaqty azamat bolatyn. Óńirdiń voleibolyn damytýǵa eleýli úles qosty. Týǵan aýylyna kóp qamqorlyq kórsetip, óz qarajatyna stadion salyp berdi. Qazir onda qanshama bala jattyǵyp júr. Janaidar jaqsy áke, adal dos, elge pana bola bilgen azamat. Osy týrnir budan bylai da jyl saiyn dástúrli túrde ótkiziletin bolady, – dedi óz sózinde.
Týrnirde Taldyqorǵan voleibolshylary birinshi oryndy ielense, Qarasai aýdanynyń sporshylary ekinshi, Uiǵyr aýdanynyń ardagerleri úshinshi tuǵyrdan kórindi. Tórtinshi oryn Kóksý aýdanynyń sporshylaryna berildi. Jeńimpazdardyń barlyǵyna Kýbok jáne aqshalai syilyqtar tabystaldy.
Eske alý týrnirin Alamty oblysynyń jáne Kóksý aýdanynyń ákimdikteri, oblystyq sport jáne dene shynyqtyrý basqarmasy uiymdastyryp, J. Eginbaevtyń kýrstas dostary demeýshilik kórsetkenin aita ketý kerek.
Eske salsaq, Janaidar Eginbaev aýyl sharýashylyǵynda, jol-kólik salasynda eńbek etken. «Shańyraq», «Taldyqorǵan joldary» JShS-laryn basqarǵan. Almaty oblystyq máslihatynyń birneshe dúrkin shaqyrylymdarynyń depýtaty boldy. Almaty oblysynyń jáne Kóksý aýdanynyń Qurmetti azamaty, «Qurmet» ordeniniń, «Eren eńbegi úshin» medaliniń iegeri.
