Bul týraly Azattyq radiosy habarlaidy.
Qamaýda eki ai otyrǵan belsendi aiybyn moiyndap, sot zalynan bosap shyqty. Oral qalalyq soty sýdiasy Rýslan Jumaǵulov oqyǵan úkim boiynsha, Janat Esentaev bul merzim ishinde qarsylyq aktsiialaryna, miting pen fleshmobqa, sherý men piketke, halyqaralyq uiymdardyń seminarlary men treningterine qatysa almaidy, kontsert qoia almaidy, qoǵamdyq-saiasi jáne áleýmettik-ekologiialyq taqarypta post jaza almaidy. Janat Esentaev pen onyń qorǵaýshylary (Abzal Quspan, Larisa Simonenko men Aijan Esentaeva) bul sharttarmen tolyq kelisti.
Qazaqstan biligin synaityn ánderimen tanymal Janat Esentaev Qazaqstandaǵy jer máselesine qatysty mitingiler tusynda «áleýmettik, ulttyq, rýlyq, násildik, taptyq nemese dini alaýyzdyq týdyrý» degen aiyppen 17 mamyrda eki aiǵa qamalǵan. Oǵan "Facebook paraqshasynda azamattardyń ulttyq qadir-qasietin qorlap, arazdyq týdyratyn jazbalar jariialaǵan" degen de aiyp taǵylǵan.
30 maýsymda Esentaev tergeýmen protsessýaldy kelisim jasap, taǵylǵan aiyptardy moiyndaǵan. Al 9 shildede internette jariialanǵan hatynda belsendi "aǵaiyn orys halqynan" keshirim surap, óziniń áleýmettik jelilerdegi jazbalaryn "emotsiia" dep ataǵan.
