Kreml Lýkoilǵa Atyraýdaǵy munai óńdeý zaýytyn tezirek satyp alýdy tapsyrdy, dep habarlaidy Dalanews.kz DAlA INSIDE telegram arnasyna siltep.
“Reseidiń kei óńirlerinde 28 sáýirden bastap janarmai (benzin/dizel) tapshylyǵy bastaldy. Alypsatarlar tarapynan janarmaidy satpai, ózinde jinai bastaý áreketteri de baiqalǵan. Birshama munai óńdeý qýattary isten shyqqannan keiin, gýbernatorlar Kremlge shaǵym aityp, dabyl qaǵýda”, - deidi Dala Inside.
Arna málimetinshe, Reseidiń munai óńdeý zaýyttary Ýkrainanyń negizgi nysanyna ainalyp otyr.
“Buǵan deiin drondar soqqy bergen bolatyn. Endi Kiev 300 shaqyrymǵa usha alatyn Atacms raketalaryna qol jetkizgendikten, Máskeý qýyrdaqqa soiylatyn túieniń endi ǵana keletinin túsindi”, - deidi arna.
Sonymen qatar arna Qaýipsizdik keńesiniń boljamy kóńil kónshitpeitinin atap ótedi.
“Endi Kiev gibridti soqqy - iaǵni raketalar men drondardy aralastyryp ura alady. Oǵan munai óńdeý zaýyttaryn jaýyp turǵan áýe qorǵanysynyń shamasy jetpeýi múmkin.
Osy oraida Kreml ishki defitsitti boldyrmas úshin jantalasa jol izdep jatyr. Basty ideia - kórshiles EAES elderinde Reseige baǵynyshty munai óńdeý zaýytynyń bolýy. Onyń aldynda Belarýs basshylyǵy Mozyr munai óńdeý zaýytynyń qýaty Reseidiń búkil qajettiligin óteýge jetedi dep sendirgen bolatyn. Óz kezeginde, eger Mozyr taza Resei qajeti úshin jumys isteitini dáleldense, Ýkraina Belarýstaǵy infraqurylymǵa da soqqy berýge daiyn. Jáne ol raketa álde dronmen emes, ishki diversiia, baiqamai órtenip ketý, tehnogendik apat túrinde oryn alýy yqtimal”, - deidi DALA INSIDE derekkózi.
Belarýstiń táýekeli joǵary ekenin biletin Kreml jabyq otyrysta Lýkoildy Atyraýdaǵy NPZ máselesin sheshý boiynsha asyqtyrdy deidi, derekkóz.
“Lýkoilda ondai aqsha bar. Kompaniia 2023 jyly 790 milliard rýbl taza kiris aldy. ANPZ Qazmunaigazǵa tiesili. Qazmunaigaz ony satý boiynsha naqty jospar daiyndamaǵan bolatyn. Bul ideia tek kontseptýaldy túrde talqylanyp júrgen. Ázirge Lýkoil Qazmunaigazǵa shyqqan joq. Olar máseleni zerttep, QMG-ǵa unaityn usynys ázirlegisi keledi”, - deidi olar.
Dala Inside derekkózi osy usynys paketinde Lýkoilǵa tiesili Bolgariiadaǵy Býrgas NPZ-syna qatysty taraý da bolyp qalar dep oilaidy. Sebebi ANPZ-ny Býrgasqa almastyrý, oǵan qosa basqa da optsiondar berý týraly usynystar kelse, Qazmunaigazdyń oilanyp qalary belgili.
“EAES-tegi janarmaidyń ortaq naryǵy degen dúnieniń ózine qurylǵan qaqpan ekenin Qazaqstan endi túsine bastady. Ortaq naryq bolsa, Reseidegi defitsit pen qymbat baǵa Qazaqstanǵa da keletini aidan anyq bolyp tur. Onda bizdegi sanaýly NPZ-lar tolyq Resei naryǵyna jumys istep, óz naryǵymyzda adam aitqysyz defitsit bastalady. Al 2022 jyly avtogaz baǵasynyń birneshe ese ósýi nege alyp kelgendigin Úkimet umytqan joq. Astana Eýraziialyq komissiiany aldap-sýlap, osy ortaq naryqtyń engizilýin 2025 jyldan 2027 jylǵa deiin sozdy. Biraq Kreml tizeden basyp, 2027 jyldan keiin biz jaltara almaityndai qylýǵa nietti.
Osynyń aldynda Resei qajet jaǵdaida Qazaqstannan 100 000 tonna benzindi rezervte ustaýyn beiresmi kanaldar arqyly suraǵan bolatyn. Kreml naýryzdan bastap alty aiǵa deiin Resei aýmaǵynan benzindi syrtqa shyǵarýǵa shekteý qoidy. Qazir elimizde halyq kóp tutynatyn Ai-92 markaly benzinniń 307 700 tonna qory bar. Al Ai-95 markaly benzin rezervi - 58 000 tonna, dizel rezervi - 435 300 tonna”, - deidi derekkóz.
