Búgin Mańǵystaý oblysynyń ákimi Nurlan Noǵaev Jańaózen qalalyq máslıhatynyń depýtattaryna basqa jumysqa aýysqan Maqsat Ibagarovtyń ornyna jańa ákimniń kandıdatýrasyn usyndy. QR Prezıdenti Ákimshiligimen kelisilgen jańa kandıdat Aıbek Qosýaqov boldy, – dep habarlaıdy Dalanews.kz Mańǵystaý oblysy ákiminiń baspasóz qyzmetine silteme jasap.

Aıbek Qosýaqov Sh.Esenov atyndaǵy Kaspıı memlekettik ýnıversıtetin "Munaı jáne gaz uńǵymalaryn burǵylaý" mamandyǵy boıynsha jáne Qonaev atyndaǵy kólik jáne quqyq ýnıversıtetin "Ekonomıs" mamandyǵy boıynsha bitirgen.

Eńbek jolyn 1997 jyly "Qarajanbasmunaı" kompanıasynda operator retinde bastaǵan. 2001-2004 jyldary jeke kásipkerlikpen aınalysqan. 2004-2006 jyldary "Jazyq" AQ atqarýshy dırektory boldy. 2007 jyldan 2020 jylǵa deıin "Taýshyq aýyl sharýashylyǵy" kompanıasynyń basqarma tóraǵasy bolyp jumys istedi.

2020 jyldyń qańtar aıynan qazirgi ýaqytqa deıin - Mańǵystaý oblysy Túpqaraǵan aýdanynyń ákimi qyzmetin atqardy.

Depýtattar Mańǵystaý oblysynyń ákimi usynǵan kandıdatýrany qoldap, jańa ákimniń jumysyna sáttilik tiledi.

Nurlan Noǵaev óz kezeginde jańa ákimge Jańaózen qalasynyń áleýmettik-ekonomıkalyq damýyna qatysty birqatar naqty tapsyrmalar berdi.