ايبەك قوسۋاقوۆ ش.ەسەنوۆ اتىنداعى كاسپيي مەملەكەتتىك ۋنيۆەرسيتەتىن "مۇناي جانە گاز ۇڭعىمالارىن بۇرعىلاۋ" ماماندىعى بويىنشا جانە قونايەۆ اتىنداعى كولىك جانە قۇقىق ۋنيۆەرسيتەتىن "ەكونوميست" ماماندىعى بويىنشا بىتىرگەن.
ەڭبەك جولىن 1997 جىلى "قاراجانباسمۇناي" كومپانياسىندا وپەراتور رەتىندە باستاعان. 2001-2004 جىلدارى جەكە كاسىپكەرلىكپەن اينالىسقان. 2004-2006 جىلدارى "جازىق" اق اتقارۋشى ديرەكتورى بولدى. 2007 جىلدان 2020 جىلعا دەيىن "تاۋشىق اۋىل شارۋاشىلىعى" كومپانياسىنىڭ باسقارما ءتوراعاسى بولىپ جۇمىس ىستەدى.
2020 جىلدىڭ قاڭتار ايىنان قازىرگى ۋاقىتقا دەيىن - ماڭعىستاۋ وبلىسى ءتۇپقاراعان اۋدانىنىڭ اكىمى قىزمەتىن اتقاردى.
دەپۋتاتتار ماڭعىستاۋ وبلىسىنىڭ اكىمى ۇسىنعان كانديداتۋرانى قولداپ، جاڭا اكىمنىڭ جۇمىسىنا ساتتىلىك تىلەدى.
نۇرلان نوعايەۆ ءوز كەزەگىندە جاڭا اكىمگە جاڭاوزەن قالاسىنىڭ الەۋمەتتىك-ەكونوميكالىق دامۋىنا قاتىستى ءبىرقاتار ناقتى تاپسىرمالار بەردى.
