Jańaózende teńiz sýyn tushytatyn zaýyt salynady
Qala basshysynyń aitýynsha, 5 mamyr kúni Mańǵystaý oblysy ákiminiń qaýlysy bekitilip Qaraqiia aýdanyna tiesili Toqmaq múiisiniń 818 myń gektar jeri uzaq merzimge Jańaózen qalasyna beriledi. Qala halqynyń aýyz sýǵa degen qajettiligin joiý baǵytynda iske qosylatyn jańa zaýyt táýligine 50 myń tekshe metr sý shyǵarady dep josparlanǵan.
– Sý tushytý zaýytynyń qurylysy boiynsha «QazMunaiGaz», «ÓzenMunaiGaz» aktsionerlik qoǵammen tehniko-ekonomikalyq negizdeme jasaqtalyp, saraptamanyń oń qorytyndysy alyndy. Negizdemege sáikes zaýyttyń Jańaózenge deiingi magistraldyq sý qubyry esepteldi. Josparǵa sáikes zaýyttyń qurylysyn qarjylandyrý «QazMunaiGaz» ulttyq kompaniiasyna júktelgen. Qazirgi ýaqytta zaýyttyń qurylysyn jobasyn jasaý jáne qurylys montaj jumystaryn birge júrgizý úshin «QazMunaiGaz» kompaniiasy tarapynan tiisti qarajat kózi izdestirilýde, – dedi Jańaózen qalasynyń ákimi Maqsat Ibaǵarov.
