Quramyna 33 maman kirgen topqa QMG basqarma tóraǵasynyń orynbasary Dáýletjan Hasanov jetekshilik etedi.
Keshe QMG basqarma tóraǵasy Maǵzum Myrzaǵalıev Astanada arnaıy top qatysýshylarymen kezdesý ótkizdi.
Olarǵa qalanyń eńbek ujymdarymen kezdesý ótkizý, jumysshylardyń eńbek jaǵdaıymen, satyp alý qyzmetimen jáne kásiporyndar jumysynyń basqa da tustarymen tanysý mindetteri qoıyldy.
Jergilikti kompanıalar qyzmetkerleriniń kelisimshart talaptarynyń buzylǵany jónindegi shaǵymdary, sonyń ishinde Astanada ótken arnaıy komısıa jumysy kezinde «BerÁli Mańǵystaý Company» kompanıasynyń burynǵy qyzmetkerleri málimdegen shaǵymdar jeke qaralatyn bolady.
Budan basqa, kásiporyndardyń qyzmet túrlerin satyp alý rásimderinde sybaılas jemqorlyq qaýpin anyqtaý men jolyn kesýge erekshe nazar aýdarylady.
Jumys komısıasy usynǵan taldaý qorytyndysy boıynsha ekonomıkalyq jáne áleýmettik sıpattaǵy ózekti máselelerdi sheshýge arnalǵan is-qımyl jospary jasaqtalady.
