Mitingini eskertkish-memorialǵa gúl shoqtaryn qoiýdan bastaǵan oblys ákimi Amandyq Batalov kópshilik aldynda sóz sóilep, 31 mamyr – el tarihyndaǵy eń bir azaly kúnderdiń biri ekenine toqtalyp ótti.
– Jyl saiyn osy kúni – el táýelsizdigi úshin kúresken, ultymyzdyń birtýar, aiaýly ul-qyzdaryn, jazyqsyz japa shekken qurbandardy eske alamyz. Jappai saiasi qýǵyn-súrgin qurbandaryn aqtaý, zańsyz qýdalanǵan azamattardyń quqyǵyn qalpyna keltirý jumystary qansha ýaqyt ótse de toqtalmaýy tiis. Biz Elbasynyń "Rýhani jańǵyrý" baǵdarlamasy aiasynda jazyqsyq qurban bolǵan babalardyń rýhyna arnap, Jańalyq aýylynda mýzei salýdy uiǵaryp, biyl qurylysyn bastadyq. Mýzeidiń ekspozitsiialyq zalynda ult qairatkerleri týraly materialdar qoiylyp, osy jerde jerlengen saiasi qýǵyn-súrgin qurbandarynyń aty-jónderi tas taqtaǵa oiylyp jazylatyn bodady, – dedi A. Batalov.
Munan soń respýblikalyq qýǵyn-súrginge ushyraǵandar qaýymdastyǵynyń tóraǵasy Jumabek Ashýuly sóz aldy. Ol qazaq jerinde ár kezeńde túrli sipatta oryn alǵan náýbetterdiń tarihyna, onyń zalaly men bolashaq úshin sol qaraly tarihty bilýdiń mańyzyna toqtaldy.
Saiasi qýǵyn-súrgin qurbany, aqyn, qoǵam qairatkeri Iliias Jansúgirovtiń uly Saiat Jansúgirov ákesine arnaǵan júrekjardy óleńin oqydy.
Jinalǵandar saiasi qýǵyn-súrgin qurbandaryn bir minýt únsizdikpen eske alyp, ekertkishke gúl shoqtaryn qoidy. Osy kúni bozdaqtarǵa quran baǵyshtalyp, as berildi.
Atap ótsek, Jańalyq aýylynda salynyp jatqan saiasi qýǵyn-súrgin qurbandaryna arnalǵan mýzeidiń jalpy alańy 535 sharshy metrdi quraidy. Qurylys jumystaryna 288 mln. teńge bólingen. Merdiger kompaniia - «Nur-Shapaǵat» JShS. Qurylys jumystary biylǵy jyldyń naýryz aiynda bastalǵan bolatyn.
Almaty oblysy ákiminiń baspasóz qyzmeti
