Dýman Rahmetqalıev-jas, ári tájirıbeli maman, Shyǵys Qazaqstan oblysy Tavrıa aýdany Ahmırovo aýylynyń týmasy. "Ekonomıka" mamandyǵy boıynsha Praga halyqaralyq ýnıversıtetin, sondaı-aq Qazaqstan-Amerıka Erkin ýnıversıtetin "quqyq magıstri" biliktiligi boıynsha támamdaǵan.
Eńbek jolyn 2011 jyly Óskemen qalasynyń "Teploenergosnab" JSHS ekonomısi qyzmetinen bastady.
Astana qalasy "Qazatomónerkásip-Demeý" JSHS, SHQO Tabıǵı resýrstar jáne tabıǵat paıdalanýdy retteý basqarmasynyń Orman jáne ańshylyq sharýashylyǵyna jedel den qoıý otrády KMM-de jumys istedi.
Qatardaǵy qyzmetkerden "Ertis "ÁKK" AQ Basqarma tóraǵasynyń orynbasaryna deıin kóterildi. 2020 jyldyń sáýir aıynan bastap Shyǵys Qazaqstan oblysynyń qarjy basqarmasyn basqardy.
Jańa ákimniń aldynda mańyzdy ekonomıkalyq mindetter tur. Aýdanda tantal, nıobıı jáne lıtıı óndiretin, ınvestısıa kólemi 165 mlrd teńge bolatyn baıytý kesheniniń qurylysy júrgiziletin bolady.
Sondaı-aq, qorlar rastalǵan jaǵdaıda Ulan aýdanynda spodýmen konsentraty (25 myń tonna) jáne lıtıı karbonaty (jylyna 4 myń tonna) óndiretin taý-ken baıytý fabrıkasyn ashý josparlanýda.
Agro jáne áleýmettik sektorda mańyzdy jobalar bar. Jańa ákim Qasym Qaısenov kentinde 150 kelýshige arnalǵan emhana qurylysynyń jobasyn iske asyrýdy baqylaýdy júzege asyrýy jáne Tavrıa jáne Bozanbaı aýyldarynda deneshynyqtyrý-saýyqtyrý kesheniniń qurylysyn aıaqtaýy qajet. Aýdan aktıviniń otyrysynda Dýman Rahmetqalıev barlyq kúsh-jigerin jumsaıtynyna, senimdi aqtap, qoıylǵan mindetterdi oryndaıtynyna sendirdi.
