Bloger Janábilovterge sot úkimi shyqty, dep habarlaidy Dalanews.kz.
Erbolat Janábilov 2 jylǵa shartty túrde bas bostandyǵynan aiyryldy.
Elmira Tólegenova 2 jylǵa bas bostandyǵynan aiyrylyp, jaza óteýi 2 jylǵa keiinge shegerildi.
Buǵan deiin memlekettik aiyptaýshy Erbolat Janábilovke eki jyl jaza taǵaiyndaýdy surap, Qylmystyq kodekstiń 55-babyn qoldana otyryp, múlkin tárkileýmen birge shartty túrde bas bostandyǵynan aiyrýdy usyndy.
Al Elmira Tólegenovaǵa eki jylǵa bas bostandyǵynan aiyrý jazasyn taǵaiyndap, ony qaýipsizdigi eń tómen mekemede óteý jáne jazanyń oryndalýyn eki jylǵa keiinge qaldyrý usynyldy.
Aita keteiik, buǵan deiin bloger Elmira Tólegenova sotta sońǵy sózin aitty. Blogerler zańsyz kásipkerlikpen ainalysý, qylmystyq jolmen kelgen aqsha men ózge de múlikti zańdastyrý boiynsha aiyptalyp otyr.
