Qazaqstanda turaqty turýǵa nietti shetel azamattaryna arnalǵan suranysqa ie mamandyqtar tizimi qaita qaralady. Bul týraly Premer-ministrdiń orynbasary – Mádeniet jáne aqparat ministri Aida Balaeva málimdedi, dep habarlaidy Dalanews.kz.
Onyń aitýynsha, elde sheteldik mamandar úshin arnaiy vizalar qarastyrylǵan. Olardyń qatarynda turaqty turýǵa múmkindik beretin sanat ta bar. Mundai vizalar suranysqa ie kásip ielerine beriledi. Atap aitqanda, tizimge neirohirýrgter, gematologtar, farmatsevtika ónerkásibiniń injener-tehnologtary, bakteriologtar, grafikalyq animatsiia tehnikteri jáne basqa da mamandar engizilgen. Qazirgi tańda bul tizimde jalpy 51 mamandyq bar.
Sonymen qatar ministrdiń sózinshe, atalǵan tizim turaqty túrde jańartylyp otyrady. Ol el ekonomikasynyń qajettilikterine qarai ózgertilip, tiisti memlekettik organdarmen kelisý arqyly ózektendiriledi.
Búginde bul baǵyttaǵy kezekti jańartý 2030 jylǵa deiingi kóshi-qon saiasaty tujyrymdamasy aiasynda júzege asyrylmaq. Jospar boiynsha, jańa tizim jyl sońyna deiin bekitiledi. Mundai tásil ekonomikadaǵy ózgeristerge jedel beiimdelip, elge naqty qajet mamandardy tartýǵa múmkindik beredi.
Budan bólek, Qazaqstanda joǵary bilikti mamandar men tsifrlyq kóshpendilerge arnalǵan vizalardyń jańa formattary engizilgen. Bul óz kezeginde álemdik deńgeidegi talanttardy tartýǵa jáne zamanaýi tehnologiialardyń damýyna jol ashady.
