Jańa telearna ashyldy
QR Aqparat jáne kommýnikatsiialar ministri Dáýren Abaevtyń aitýynsha, atalǵan arnadan otandyq derekti filmder men serialdar kórsetiledi. Sondai-aq, jas kinematografisterdiń shyǵarmalary da efirge shyǵatyn bolady.
– Altyn qorymyzdy urpaq igiligine jaratýdy kózdegen jańa arnany biz eldiń arnasy bolsyn degen nietpen «El arna» dep atadyq. Jańa telearna bútin bir býynǵa áser etken Sháken Aimanov, Májit Begalin, Abdolla Qarsaqbaev, Sultan Qojyqov siiaqty maitalmandardyń týyndylaryn búgingi urpaqqa keńinen nasixattaýǵa tamasha múmkindik beredi. Sonymen qatar bizdiń maqsatymyz – bilim, ǵylym men óner salasyna arnalǵan derekti filmder men tanymdyq baǵdarlamalardyń kórermenge barynsha qoljetimdi bolýyna yqpal etý, elimizdiń aqparattyq keńistigin óz týyndylarymyzben qamtý. Bul arnanyń ashylýy kino salasyndaǵy jas mamandar úshin de úlken qoldaý dep bilemin. Endi, olardyń shyǵarmalary xalyqtyń nazaryna keńinen usynylatyn bolady, – dep atap kórsetti Dáýren Abaev.
Aita keteiik, jumys kúnderi telearnadan derekti filmder kórsetilse, demalysta otandyq serialdardy kórsetý josparlanǵan. Jańa arnanyń efiri Qazaqstannyń xalyq ártisi Shámshi Qaldaiaqovtyń ómirine arnalǵan «Án-aǵa» atty tarixi dramamen ashyldy.
