ق ر اقپارات جانە كوممۋنيكاسيالار ءمينيسترى داۋرەن ابايەۆتىڭ ايتۋىنشا، اتالعان ارنادان وتاندىق دەرەكتى فيلمدەر مەن سەريالدار كورسەتىلەدى. سونداي-اق، جاس كينەماتوگرافيستەردىڭ شىعارمالارى دا ەفيرگە شىعاتىن بولادى.
– التىن قورىمىزدى ۇرپاق يگىلىگىنە جاراتۋدى كوزدەگەن جاڭا ارنانى ءبىز ەلدىڭ ارناسى بولسىن دەگەن نيەتپەن «ەل ارنا» دەپ اتادىق. جاڭا تەلەارنا ءبۇتىن ءبىر بۋىنعا اسەر ەتكەن شاكەن ايمانوۆ، ءماجيت بەگالين، ابدوللا قارساقبايەۆ، سۇلتان قوجىقوۆ سياقتى مايتالمانداردىڭ تۋىندىلارىن بۇگىنگى ۇرپاققا كەڭىنەن ناسيxاتتاۋعا تاماشا مۇمكىندىك بەرەدى. سونىمەن قاتار ءبىزدىڭ ماقساتىمىز – ءبىلىم، عىلىم مەن ونەر سالاسىنا ارنالعان دەرەكتى فيلمدەر مەن تانىمدىق باعدارلامالاردىڭ كورەرمەنگە بارىنشا قولجەتىمدى بولۋىنا ىقپال ەتۋ، ەلىمىزدىڭ اقپاراتتىق كەڭىستىگىن ءوز تۋىندىلارىمىزبەن قامتۋ. بۇل ارنانىڭ اشىلۋى كينو سالاسىنداعى جاس ماماندار ءۇشىن دە ۇلكەن قولداۋ دەپ بىلەمىن. ەندى، ولاردىڭ شىعارمالارى xالىقتىڭ نازارىنا كەڭىنەن ۇسىنىلاتىن بولادى، – دەپ اتاپ كورسەتتى داۋرەن ابايەۆ.
ايتا كەتەيىك، جۇمىس كۇندەرى تەلەارنادان دەرەكتى فيلمدەر كورسەتىلسە، دەمالىستا وتاندىق سەريالداردى كورسەتۋ جوسپارلانعان. جاڭا ارنانىڭ ەفيرى قازاقستاننىڭ xالىق ءارتىسى ءشامشى قالداياقوۆتىڭ ومىرىنە ارنالعان «ءان-اعا» اتتى تاريxي درامامەن اشىلدى.
