Memleket basshysynyń bul jolǵy Joldaýynyń mán-mańyzy airyqsha boldy. Prezident óz sózinde Joldaýdyń arqalaityn júgi aýyr, aýqymy keń, mazmuny da bólek ekendigin atap ótti.
Prezident jyldyń basty qujatynda qasiretti qańtar oqiǵasyndaǵy máselelerge jan-jaqty toqtalyp, el damýynda saiasi jańǵyrý bolýy kerektigin aitty. «Halyqqa qajetti reformalardy júzege asyrý – meniń memleket basshysy retindegi basty mindetim. Saiasi jańǵyrý bolmasa, elimizdi ornyqty damytý, aýqymdy áleýmettik-ekonomikalyq ózgeris jasaý múmkin emes. Bul – anyq nárse», dedi ol.
Memleket basshysy elimizdi damytý jolynda barlyq salalardy júieli jańǵyrtyp, jańa saiasi mádenietti qalyptastyryp, ashyq, halyqqa qulaq asatyn memleketke ainalýymyz qajettigin erekshe atap ótti. Saiasi mańyzdy qujatta ol:
- Prezident ókilettiligin qaita qaraýdy, onyń partiia basshylyǵynda bolmaýyn zańmen bekitýdi;
- Prezidenttiń jaqyn týystary memlekettik saiasi qyzmetshiler bolyp jáne kvazimemlekettik sektorda jetekshi laýazymdarǵa taǵaiyndalýyna tyiym salýdy;
- Parlamenttik basqarý júiesin kúsheitýdi;
- Sailaý júiesin jetildirýdi;
- Majoritarlyq júie negizinde halyq arasynan shyqqan azamattardyń sailaýǵa qatysýyna múmkindik berýdi (70% paralamenttik, 30% majoritarlyq negizde);
- Ortalyq sailaý komissiiasy, Konstitýtsiialyq keńes músheleri, ákimder men olardyń orynbasarlarynyń partiia músheligine sailanbaýyn;
- Sailaýaldy baǵdarlamasynda berilgen ýádesin oryndamaǵan depýtattardy ýákilettiginen bosatýdy;
- Quqyqtyq memleket qurý maqsatynda Konstitýtsiialyq sot qurýdy;
- Adam quqyǵyn qorǵaý boiynsha zań ústemdigin qamtamasyz etýdi;
- BAQ básekelestigin arttyrý maqsatynda ashyq aqparattyq keńistikti qurýdy, media salany damytýdy;
- Azamattyq belsendilik pen azamattyq qoǵamdy damytýdy;
- Halyq pen bilikti jaqyndatý maqsatynda Ulttyq quryltai qurýdy;
- Óńirlerdi damytý maqsatynda Semei aimaǵynda Abai oblysyn qurýdy;
- Jezqazǵan oblysynyń aýmaǵynda Ulytaý oblysyn qurýdy;
- Almaty oblysyn ekige bólip, Almaty jáne Jetisý oblystary dep qurýdy;
- Almaty oblysynyń ortalyǵyn Qapshaǵaiǵa kóshirip, Qapshaǵaiǵa Dinmuhamed Qonaevtyń esimin berý berýdi;
- Agroónerkásipti damytýdy;
- Geosaiasi jaǵdaida shekaramyzdy bekemdep, radikalizim men táýeldilikke jol bermeýdi;
- Qarjylyq-ekonomikalyq salany kúsheitýdi, túrli alyp-satarlyqqa jol bermeýdi usyndy.
Sózin qorytyndylai kele, Prezident Jańa Qazaqstandy qurý úshin ár adam ózgeristi ózinen bastap, ótkennen taǵylym alyp, keleshekke kemeldeýi qajetitigin atap ótti.
Janatbek IShPEKBAEV, «Abai atyndaǵy QazUPÝ» KEAQ Basqarma tóraǵasy, Rektordyń keńesshisi
