Qazaqstan Úkimeti kásipkerlikti damytý boiynsha keshendi jumysty jalǵastyryp jatyr. Osy tusta bilik 2024 jyly shaǵyn jáne orta bizneske 900 milliard teńgeden astam somaǵa nesieni sýbsidiialaýǵa daiyn ekenin jetkizdi, dep habarlaidy Dalanews.kz.
Sońǵy jyldary memleket kásipkerlikke erekshe den qoiýynyń nátijesinde elde jumyssyzdyq máselesi sheshilip jatqanyn atap ótken jón.
Máselen, qabyldanǵan túrli sharalardyń arqasynda shaǵyn jáne orta bizneste jumyspen qamtylǵandar sany 10%-ǵa artyp, 4,3 mln adamǵa jetti. Bul elimizde eńbekke qabiletti azamattardyń 45 paiyzyn quraidy.
Osyǵan bailanysty barlyq qyzmetter men vedomstvolardyń laýazymdy tulǵalary respýblikadaǵy kásipkerliktiń damýyna kedergi keltiretin 9 myńnan astam “qajetsiz” talaptardy alyp tastady. Alaida Qazaqstan kásipkerlerine eń keremet syilyqty salyq qyzmeti tartý etti.
Budan bylai jalpy salyqtar men basqa da tólemder sany 20%-ǵa, al salyq esebi nysandarynyń sany 30%-ǵa qysqarady. Bul rette óńdeý ónerkásibindegi jańa jobalar 3 jylǵa salyq tóleýden bosatylady.
Nátijesinde salyq mindettemelerin oryndaý jeńildetilip, salyq jinaý tiimdiligi artady.
