– Qańtar aiynyń basynda elimiz buryn sońdy bolmaǵan qiyn jaǵdaidy basynan ótkizdi. Qazaqstanǵa qastyq oilaǵan ishki jáne syrtqy jaýlar memleketimizdiń shańyraǵyn shaiqap, keregesin sókkileri keldi. Opasyz ekstremistik toptardyń áreketinen baýyrlarymyzdyń qany tógildi, azamattarymyz aýyr jaraqattar aldy, memlekettik jáne kásipkerlerik nysandarǵa jáne múlikterge nuqsan keldi. Halyqtyń sabyrlyǵy men aýyzbirshiliginiń, Prezidentimiz Qasym-Jomart Kemeluly Toqaevtyń tabandylyǵy, qaisarlyǵy jáne Respýblikaǵa, Konstitýtsiialyq qurylymǵa qarýmen qarsy shyqqan sodyrlar men banditterdi joiý jónindegi jaýapty sheshiminiń arqasynda, memlekettiń egemendigi jáne turaqtylyǵy saqtalyp qaldy. Bul jaǵdai kezdeisoq bolǵan joq. Elimizde kópten beri qordalanyp, ádiletsizdik pen jemqorlyqtyń kesirinen sheshimin tappaǵan áleýmettik-ekonomikalyq máseleler oqiǵanyń tutanýyna sebepshi boldy, – dep toqtaldy E. Jańbyrshin.
Osy oraida ol qańtar oqiǵasy bárimiz úshin úlken sabaq bolýy kerek ekenin atap ótti. Onyń alǵysharttary – qoǵam men biliktiń shynaiy tazarýy, aqiqattyń ashyq aitylýy, qatelikterdiń moiyndalýy, memlekettik apparat pen qurylymdardyń oligopoliia ókilderi men jemqorlardan tazartylýy bolyp otyr.
– Buny, búgin qoǵam belsendi talqylap jáne ony Memleket basshysy batyl túrde iske asyra bastady. Prezidentimizdiń Qazaqstandy jańartamyn, durys arnaǵa buramyn degen aq nieti bar. Al, biz, el bolyp ony biraýyzdan qoldaýymyz qajet! Ózderińizge málim qańtardyń 11 juldyzynda Prezident Parlament Májilisiniń jáne keshegi Úkimettiń otyrysynda elimizde atqarylatyn biraz mańyzdy máselelerdi aiqyndap, naqty mindetterdi qoidy. Jalpy qoǵam men memleket arasyndaǵy qarym-qatynasta transformatsiianyń qajettiligi týyndaǵanyn jáne «Jańa Qazaqstandy» qurý týraly Qasym-Jomart Kemeluly qaita-qaita aityp júr. Mundai keshendi transformatsiia eń aldymen Parlament qyzmetinde oryn alyp, Májilis qabyrǵasynan bastalýy shart! – dedi depýtat.
– Sondyqtan Parlamenttiń tómengi palatasyndaǵy jumystardy jańa deńgeige kóterip jáne Prezidenttiń tapsyrmalaryn Májilis depýtattary tarapynan qadaǵalaý maqsatynda «Jańa Qazaqstan» atty depýtattyq topty qurýdy, resmi túrde jariialaimyz! «Jańa Qazaqstan» depýtattyq toby qoǵamdaǵy eń ózekti máselelerdi der kezinde Parlament tórinde kóterip, turǵyndardyń muń-muqtajdaryn ýaqytynda sheshiýge qyzmet etedi. Úkimetpen birlesip halyqtyń rýhaniiatyn kúsheitetin, ál-aýqatyn jaqsartatyn zań jobalaryn daiyndaýǵa, sailaýshylarymyzben odan ári tyǵyz qarym-qatynastar ornatýǵa múddeli. «Jańa Qazaqstan» depýtattyq toptyń qoǵamdaǵy barlyq belsendi saiasi partiialarmen, narazy toptarmen, úkimettik emes uiymdarmen jáne sarapshylarmen qoian-qoltyq qyzmet jasaýǵa yntaly jáne daiyn ekenin málim etemiz. Qazaqta «Birlesip kótergen júk jeńil, – degen sóz bar. Jańa Qazaqstannyń júgin ulys bolyp birge kótereiik! Prezident bastaǵan reformalardy sabotajǵa jibermei, aiaǵyna deiin jetkizeiik! Barshańyzdy, eldiń irgesin nyǵaitýǵa shaqyramyz! – dedi Edil Jańbyrshin.
Bul bastamaǵa Májilistiń birqatar depýtaty qoldaý bildirgen.
