Qyzmetine jańadan kirisken tótenshe jaǵdailar ministri Shyńǵys Árinov qai óńirlerde sý tasqyny qaýpi baryn aitty. Onyń sózinshe, áli kúnge 10 óńirde sý tasqyny qaýpi saqtalady, - dep habarlaidy Dalanews.kz.
Ministr "Qazgidromet" RMK boljamyna súienip, aqpan men naýryzdyń sońynda respýblikanyń ońtústik-shyǵys, soltústik jáne ortalyq bólikterinde táýligine ailyq normadan da kóp jaýyn-shashyn jaýýy múmkin ekenin jetkizdi.
"10 óńirdegi eldi mekenderde, onyń ishinde Almaty, Túrkistan, Shyǵys Qazaqstan jáne Jetisý oblystarynda taý sýlarynyń aǵyny saldarynan sý basý qaýpi bar", - dedi Shyńǵys Árinov.
Budan bólek Batys Qazaqstan, Aqmola, Soltústik Qazaqstan, Qaraǵandy, Pavlodar jáne Qostanai oblystarynda da qaýip bar eken.
"Ministrlik jergilikti atqarýshy organdarmen birlesip, sý tasqyny kezeńine daiyndyq boiynsha qajet is-sharalar keshenin ótkizdi. "Kóktem" respýblikalyq komandalyq shtabtyq oqý-jattyǵý sheńberinde basqarý organdarynyń kúshteri men quraldarynyń naqty daiyndyǵy tekserildi. Halyqty qulaqtandyrý pysyqtaldy, zardap shekken azamattardy jinaý pýnktteri daiyndaldy", - dedi ministr Úkimet otyrysynda.
