Qazaqstanda jańa konstıtýsıany qabyldaý jónindegi ulttyq referendým boıynsha alǵashqy ekzıtpol nátıjeleri jarıalandy, dep habarlaıdy Dalanews.kz

«SOSIS-A» keshendi áleýmettik zertteýler ınstıtýtynyń derekterine sáıkes, saýalnamaǵa qatysqandardyń 87,4%-y konstıtýsıalyq ózgeristerdi qoldaǵan. Al daýys berýge qatysý deńgeıi 73,8% bolǵan.

Uqsas nátıjeni Eýrazıalyq ıntegrasıa ınstıtýtynyń ekzıtpoly da kórsetti — daýys bergenderdiń 86,7%-y ózgeristerdi qoldap, «ıá» dep jaýap bergen.

Al «AMANAT» partıasy Qoǵamdyq saıasat ınstıtýtynyń zertteýine sáıkes, jańa Konstıtýsıany qoldaý deńgeıi 88,6%-ǵa jetken. Bul rette saılaýshylardyń 72,1%-y daýys berýge qatysqan.