2026 jylǵy 11 aqpanda Kókshetaý qalasynda Aýyl partiiasy bastamasymen jáne partiia tóraǵasynyń orynbasary Qýanysh Seitjanovtyń basshylyǵymen óńirlik filial ókilderine arnalǵan «Jańartylǵan Konstitýtsiia – turaqty damý negizi» taqyrybynda respýblikalyq seminar-keńes ótti, dep habarlaidy Dalanews.kz.
Is-shara partiianyń jańa konstitýtsiianyń jobasyn qoldaý jáne olardy óńirlik deńgeide jan-jaqty túsindirý baǵytyndaǵy júieli jumysynyń jalǵasy retinde uiymdastyryldy. Seminardyń negizgi maqsaty – jańa Ata Zańnyń mazmuny men mańyzyn keńinen nasihattaý, memlekettik basqarý júiesin jańǵyrtý úderisterin talqylaý jáne quqyqtyq mádenietti nyǵaitý.
Jiyn barysynda qatysýshylar Qazaqstan Respýblikasynyń jańa Konstitýtsiiasyndaǵy negizgi erejelerdi, olardyń eldiń saiasi júiesine yqpalyn, bilik tarmaqtary arasyndaǵy ókilettikter teńgerimin jetildirý máselelerin keńinen talqylady. Sonymen qatar, jergilikti ókildi organdardyń quzyretin keńeitý, óńirlerdiń derbestigin arttyrý jáne qoǵamdyq baqylaý tetikterin kúsheitý baǵyttary sóz boldy.
Seminarda konstitýtsiialyq reformany óńirlerde iske asyrýdyń praktikalyq qyrlaryna erekshe nazar aýdaryldy. Óńirlik ókilder aqparattyq-túsindirý jumystarynyń tiimdi tásilderimen bólisip, azamattardyń quqyqtyq saýattylyǵyn arttyrý jáne qoǵamdyq belsendilikti kúsheitý máselelerin talqylady.
Is-shara aiasynda «Zań men Tártip» jáne «Adal azamat» tujyrymdamalary quqyqtyq memleketti qalyptastyrýdyń qundylyqtyq negizi retinde qarastyryldy. Qatysýshylar zań ústemdigin nyǵaitý, qoǵamdyq jaýapkershilikti arttyrý jáne memleket pen qoǵam arasyndaǵy senimdi kúsheitý máselelerine basymdyq berdi.
Seminar-keńes qorytyndysy boiynsha partiia ókilderi jańa Konstitýtsiia mátinin qoldady.
