Qazaqstanda jańa jyl qarsańynda azyq-túlik baǵasy qymbattamaidy. Bul týraly QR Ulttyq ekonomika ministri, vitse-premer Serik Jumanǵarin málimdedi, dep habarlaidy Dalanews.kz.
"Biz baǵanyń turaqtylyǵyn qamtamasyz etý úshin jumys istep jatyrmyz. Byltyr merekelik kezeń salystyrmaly túrde tynysh ótti, biyl da solai bolady dep úmittenemiz. Standartty baǵa ósimi bolýy múmkin, biraq kúrt qymbattaý bolmaidy", – dedi Jumanǵarin.
Vitse-premer úkimettiń baǵany qatal rettemegenin, fermerlerge paida tabýǵa múmkindik berilgenin atap ótti.
"Azyq-túlik baǵasyn qatty tejemedik. Sharýalarǵa tabys tabýǵa múmkindik berdik. Degenmen keibir taýarlardyń baǵasy turaqty ósip otyrady", - dedi ol.
Sonymen qatar Jumanǵarin keibir ónimder boiynsha baǵanyń jasandy túrde ósý qaýpi bar ekenin aityp, úkimetke taýar toptary boiynsha baǵanyń qalyptasý mehanizmin taldaý tapsyryldy.
"Eger naryqta jasandy baǵa ósýi baiqalsa, baǵany qatań retteimiz. Spekýlianttardyń paida tabýyna jol bere almaimyz", – dep túiindedi ol.
