قازاقستاندا جاڭا جىل قارساڭىندا ازىق-تٷلٸك باعاسى قىمباتتامايدى. بۇل تۋرالى قر ۇلتتىق ەكونوميكا مينيسترٸ, ۆيتسە-پرەمەر سەرٸك جۇمانعارين مەلٸمدەدٸ, دەپ حابارلايدى Dalanews.kz.
"بٸز باعانىڭ تۇراقتىلىعىن قامتاماسىز ەتۋ ٷشٸن جۇمىس ٸستەپ جاتىرمىز. بىلتىر مەرەكەلٸك كەزەڭ سالىستىرمالى تٷردە تىنىش ٶتتٸ, بيىل دا سولاي بولادى دەپ ٷمٸتتەنەمٸز. ستاندارتتى باعا ٶسٸمٸ بولۋى مٷمكٸن, بٸراق كٷرت قىمباتتاۋ بولمايدى", – دەدٸ جۇمانعارين.
ۆيتسە-پرەمەر ٷكٸمەتتٸڭ باعانى قاتال رەتتەمەگەنٸن, فەرمەرلەرگە پايدا تابۋعا مٷمكٸندٸك بەرٸلگەنٸن اتاپ ٶتتٸ.
"ازىق-تٷلٸك باعاسىن قاتتى تەجەمەدٸك. شارۋالارعا تابىس تابۋعا مٷمكٸندٸك بەردٸك. دەگەنمەن كەيبٸر تاۋارلاردىڭ باعاسى تۇراقتى ٶسٸپ وتىرادى", - دەدٸ ول.
سونىمەن قاتار جۇمانعارين كەيبٸر ٶنٸمدەر بويىنشا باعانىڭ جاساندى تٷردە ٶسۋ قاۋپٸ بار ەكەنٸن ايتىپ, ٷكٸمەتكە تاۋار توپتارى بويىنشا باعانىڭ قالىپتاسۋ مەحانيزمٸن تالداۋ تاپسىرىلدى.
"ەگەر نارىقتا جاساندى باعا ٶسۋٸ بايقالسا, باعانى قاتاڭ رەتتەيمٸز. سپەكۋليانتتاردىڭ پايدا تابۋىنا جول بەرە المايمىز", – دەپ تٷيٸندەدٸ ول.
