Bolat Jámishev Bank RBK direktorlar keńesiniń múshesi- táýelsiz direktory bolyp qaita sailandy. Óitkeni Jámishevtiń osy qyzmettegi ókilettik merzimi aiaqtalǵan eken, dep habarlaidy Dalanews.kz.
Qaita sailanǵan Jámishev taǵy bir jyldai banktiń táýelsiz direktory bolmaq.
Negizi, Jámishev tórt jyl buryn Bank RBK direktorlar keńesine basshylyq etken. Sol kezde basshy laýazymynda Jámishev "qarjy institýtyn strategiialyq damytý jáne onyń ustanymyn nyǵaitý máselelerine jetekshilik etetini" aityldy. Oǵan deiin Pol Torsten basshy bolǵan. 2022 jyldyń qazan aiynda Jámishev Bank RBK direktorlar keńesiniń tóraǵasy bolyp qaita sailandy. Qazirgi ýaqytta banktiń direktorlar keńesinde Jámishevten ózge taǵy úsh adam bar: Bolatbek Jainazarov, Natalia Akenteva jáne Musabek Álimbekov (sońǵysy — táýelsiz direktor).
Bolat Jámishev buryndary joǵary laýazymdy qyzmetterdi atqarǵan. Atap aitqanda, Ulttyq bank tóraǵasynyń orynbasary, QR Qarjy uiymdaryn retteý jáne qadaǵalaý agenttiginiń tóraǵasy, EQDB Basqarma tóraǵasynyń orynbasary, Qarjy ministri, QR Óńirlik damý ministri, QDB basqarma tóraǵasy bolǵan. Sondai-aq, ol túrli kompaniialar men kvazimemlekettik qurylymdardyń direktorlar keńesiniń múshesi, sonyń ishinde KEGOC, "Qazaqtelekom", QTJ, "Samuryq-Qazyna" qory, Tsesnabank jáne t.b. bar. 2019 jyly Óskemen qus fabrikasynyń direktorlar keńesiniń múshesi boldy (kásiporyn Forbes tizimindegi biznesmen Serik Tolyqpaevtyń Aitas KZ kompaniialar tobyna kiredi).
2020 jyldyń sáýir aiynda ekonomist Jaqsybek Kúlekeevpen birge áleýmettik meditsinalyq saqtandyrý qorynyń direktorlar keńesiniń quramyna endi. Al 2022 jyldyń qańtar aiynan bastap Jámishev "Qazaqstan halqyna" qoǵamdyq qoryn basqarady.
Ulttyq banktiń 2024 jylǵy 1 qazanyndaǵy derekteri boiynsha, 2,2 trln teńgege jýyq aktivimen Bank RBK Qazaqstannyń bank naryǵynda 10-shy orynda tur. Qarapaiym aktsiialar paketi — 89,79%. Ol Bank RBK Basqarma tóraǵasy Natalia Akentevaǵa tiesili "KSS Finans" JShS-ǵa tiesili (úlesi - 6,49%). Banktiń túpkilikti baqylaýshy aktsioneri biznesmen Vladimir Kim bolyp tabylady. Al ol 50 eń yqpaldy biznesmender reitingisi kóshin bastap tur, sondai-aq Qazaqstannyń 75 eń bai biznesmeni reitinginde tórtinshi orynda. Onyń bailyǵy 3 3,6 mlrd dollarǵa baǵalanady.
