Jambyl oblysyndaǵy áskerı bólimde bolǵan jarylysty jarıalaǵan aqparat quraldarynyń keıbiri jaýapqa tartylýy múmkin. Óıtkeni Jambyl oblysynyń polısıa departamenti «jalǵan aqparat taratý» deregi boıynsha tergeýdi bastady, – dep habarlaıdy KTK arnasy. 

Jambyl oblysynyń polısıasy «Buqaralyq aqparat quraldaryn paıdalaný arqyly qoǵamdyq tártipti buzý qaýpin týdyrǵan jalǵan aqparatty taratý» baby boıynsha tergeý júrgizip jatyr. Sotqa deıingi tergeý isi áli jalǵasýda.

Jalǵan málimet taratty degen jeleýmen osylaısha birneshe jýrnalıs jaýapqa tartylatyn túri bar. Biraq ol azamattardyń qyzmet orny, aty-jóni áli naqty aıtylmady.

Qylmystyq kodekstiń taǵy eki baby boıynsha tergeý júrgizilýde. Onyń biri – «Basqa adamdarǵa qater tóndiretin oq-dárilermen jáne jarylǵysh zattarmen jumys isteý erejelerin buzý, abaısyzda eki nemese odan da kóp adamnyń ólimine ákelip soqtyrý» baby, al ekinshisi – «Basshynyń nemese sheneýniktiń óz qyzmetine nemquraıly qatynasynyń aýyr zardaptarǵa ákelip soǵýy» dep atalady.

Úsh apta buryn Baızaq aýdanyndaǵy áskerı qoımada joıqyn jarylys bolyp 17 adam ajal qushqan. Oqys oqıǵa kezinde iz-túzsiz joǵalyp ketken bir  áskerı qyzmetkerden áli kúnge habar joq.