Jambyl oblysyndaǵy áskeri bólimde bolǵan jarylysqa aiypty dep tanylǵan sarbazdardyń jaza merzimi taǵy uzardy. Mundai sheshim sottalǵandar apelliatsiialyq shaǵym túsirgennen keiin qabyldandy, dep habarlaidy Dalanews.kz.
Eske salaiyq, qaiǵyly oqiǵa osydan eki jarym jyl buryn bolǵan edi. Sot úkimine sáikes, qatardaǵy jaýyngerler Erbolat Turanov pen Áset Áshirbai matany órtep, oq-dáriler turǵan qoimaǵa terezeden ádeii laqtyryp jibergen. Osylaisha ekeýi komandirlerinen kek alǵysy kelgen. Nátijesinde birneshe jarylys oryn aldy. Qaiǵyly oqiǵadan 18 órt sóndirýshi men áskeri qyzmetker qaza taýyp, 100-ge jýyq adam jaraqat alǵan bolatyn. 20 jastaǵy jigitter bastapqyda kinásin moiyndaǵanymen, keiin sózderinen bas tartty.
Shymkent áskeri soty olardy toǵyz jylǵa bas bostandyǵynan aiyrdy.
KTK arnasynyń málimetinshe, áskeriler sotqa apelliatsiialyq shaǵym túsirgen. Osyǵan bailanysty basqarma jańa sheshim qabyldap, sottalǵandardyń bastapqy jazalaryna tórt jyl qosyldy. Burynǵy bólimshe komandiri men oq-dárilerdi saqtaý bólimi bastyǵynyń úkimi de ózgertildi. Olar buǵan deiin jazadan jaltarǵan edi. Endi jańa sot úkimine sáikes, ekeýi qarý-jaraq ustaý erejesin buzǵany úshin bes jylǵa bas bostandyǵynan aiyryldy.
