Jambyl oblysynyń prokýrorlary iri kólemdegi biýdjet qarajatyn jymqyrý deregin anyqtady, - dep habarlaidy Dalanews.kz.
Qordai aýdanynyń prokýratýrasy mektepke deiingi mekemeniń jan basyna shaqqandaǵy qarjylandyrýǵa arnalǵan 45,2 mln teńge kólemindegi biýdjet qarajatyn jymqyrý deregin anyqtaǵan.
"Eki jyl boiy balabaqsha basshylyǵy mektepke deiingi uiymǵa múldem kelmegen balalar úshin zańsyz biýdjet qarajatyn alyp otyrǵan", - dep jazylǵan habarlamada.
2025 jylǵy 11 naýryzda iri kólemdegi biýdjet qarajatyn jymqyrý deregi aýdan prokýratýrasynyń sotqa deiingi tergep-tekserýdiń biryńǵai tizilimine Qylmystyq kodekstiń 189-baby 4-bóliginiń 2)tarmaǵymen tirkelgen.
Tergep-tekserý Jambyl oblysy boiynsha Sybailas jemqorlyqqa qarsy is-qimyl agenttiginiń departamentine tapsyryldy.
