Jambyl oblysynyń Baızaq aýdany Býryl aýylynda kesheden beri aýyl halqy ereýildep jatyr. Olar aýyldyń 6 jasar balasyn aıaýsyzdyqpen óltirgen qylmyskerdiń otbasyn aýyldan kóshirip jiberýdi talap etip otyr.
Oqıǵa osydan eki kún buryn bolǵan. Ulty túrik 15 jasar bala kórshilerinikine urlyqqa túsken. Ony baıqap qalǵan 6 jastaǵy balany pyshaqtap óltirgen. Qazir kúdikti qolǵa túsip, İİD tergeý jumystarymen aınalysýda. Beıresmı aqparat kózderi, kisi óltirýshiniń otbasy aýyldan kóship ketkenin habarlady. Aýyldyń joly jabylyp, polıseıler men omondar, UQK ókilderi arnaıy tekserý jumystaryn júrgizip jatqany habarlandy.
Turǵyndarydń biri bizdiń suraqtarymyzǵa qysqasha jaýap berdi.
Ol aýylǵa kórshi eldimekenderden, Tarazdan da kisiler kelgenin, halyqtyń qatty ashýly ekenin jetkizdi. "Bılik ókilderi aýyldy qatań baqylaýyna aldy. Qazir jıyn ótip jatyr. Halyqtyń talaby aıýandyqpen kisi óltirgen qylmyskerdi jazasyz qaldyrmaý. Bılik ókilderi tergeýdiń ádiletti ótetindigin aıtyp otyr" deıdi.
