جامبىل وبلىسىنىڭ بايزاق اۋدانى بۋرىل اۋىلىندا كەشەدەن بەرى اۋىل حالقى ەرەۋىلدەپ جاتىر. ولار اۋىلدىڭ 6 جاسار بالاسىن اياۋسىزدىقپەن ولتىرگەن قىلمىسكەردىڭ وتباسىن اۋىلدان كوشىرىپ جىبەرۋدى تالاپ ەتىپ وتىر.

وقيعا وسىدان ەكى كۇن بۇرىن بولعان. ۇلتى تۇرىك 15 جاسار بالا كورشىلەرىنىكىنە ۇرلىققا تۇسكەن. ونى بايقاپ قالعان 6 جاستاعى بالانى پىشاقتاپ ولتىرگەن. ءقازىر كۇدىكتى قولعا ءتۇسىپ، ءىىد تەرگەۋ جۇمىستارىمەن اينالىسۋدا. بەيرەسمي اقپارات كوزدەرى، كىسى ءولتىرۋشىنىڭ وتباسى اۋىلدان كوشىپ كەتكەنىن حابارلادى. اۋىلدىڭ جولى جابىلىپ، پوليسەيلەر مەن وموندار، ۇقك وكىلدەرى ارنايى تەكسەرۋ جۇمىستارىن جۇرگىزىپ جاتقانى حابارلاندى.

تۇرعىندارىدڭ ءبىرى ءبىزدىڭ سۇراقتارىمىزعا قىسقاشا جاۋاپ بەردى.

ول اۋىلعا كورشى ەلدىمەكەندەردەن، تارازدان دا كىسىلەر كەلگەنىن، حالىقتىڭ قاتتى اشۋلى ەكەنىن جەتكىزدى. "بيلىك وكىلدەرى اۋىلدى قاتاڭ باقىلاۋىنا الدى. ءقازىر جيىن ءوتىپ جاتىر. حالىقتىڭ تالابى ايۋاندىقپەن كىسى ولتىرگەن قىلمىسكەردى جازاسىز قالدىرماۋ. بيلىك وكىلدەرى تەرگەۋدىڭ ادىلەتتى وتەتىندىگىن ايتىپ وتىر" دەيدى.