Jambyl oblysynda Qazaqstan halqy Assambleiasynyń respýblikalyq lektorii ótti
Qyrkúiek aiynda Mańǵystaýdan bastaý alǵan lektorii búgin Jambyl oblysynyń Qordai, Masanshy, Sortóbe, Qarakemer aýyldarynda jalǵasyn tapty.
Lektorii aiasynda Qazaqstan halqy Assambleiasy Tóraǵasynyń orynbasary – Hatshylyq meńgerýshisi Marat Ázilhanov atalmysh aýyldardyń qazirgi jai-kúiin bilý úshin jergilikti halyqpen birqatar kezdesýler ótkizdi.
Is-sharaǵa Jambyl oblysy ákiminiń orynbasary D.Káribek, QR Aqparat jáne qoǵamdyq damý ministrligi Etnosaralyq qatynastardy damytý komitetiniń tóraǵasy Ǵalym Shoikin qatysty.
Assambleia Tóraǵasynyń orynbasary Marat Ázilhanov Jambyl oblysyna is-sapary Qarakemer aýylynan bastady. Aýyldyń sport keshenin aralap, qyzmetimen tanysyp, aýyl aqsaqaldarymen kezdesip, etnosaralyq qatynastarǵa qatysty birqatar suraqtarǵa jaýap berdi.
QHA ókilderiniń is-sapary aiasynda josparlanǵan taǵy bir mańyzdy kezdesý Qordai aýylyndaǵy Mádeniet úiinde jalǵasty. Pikir almasý formatynda ótken bul kezdesýdiń basty taqyryby Aqsaqaldar keńesiniń qyzmeti jáne aýyldaǵy halyqtyń nazarynda júrgen ózekti máseleler.
Kezdesýde memlekettik tildiń mártebesin arttyrý, ózge etnostarǵa qazaq tilin úirenýge kómektesý, Assambleia jastarynyń jumysyn jandandyrý, olarǵa qoldaý bildirý, Aqsaqaldar keńesiniń qyzmetimen tanysý jáne osy sekildi basqa da jumystardyń barysyna basa nazar aýdardy.
Lektoriidiń basty maqsaty – barlyq qazaqstandyqtardyń ortaq mádeni kody, biryńǵai qundylyqtary men jalpyulttyq tarihi sana negizinde halyq birligin nyǵaitý bolyp tabylady.
Mádeniet úiindegi murajaidy aralap, onyń jumysymen tanysqan Marat Ázilhanov Sortóbe aýylyndaǵy Imamdar úiine de baryp qaitty.
Atalǵan kezdesý barysynda QHA Tóraǵasynyń orynbasary Marat Ázilhanov aýyl imamdarynyń jumystarymen tanysty. Assambleianyń atqaratyn qyzmetin, sondai-aq qoǵamdyq kelisim men jalpyulttyq birliktiń qazaqstandyq úlgisin odan ári nyǵaitý jónindegi sharalar talqylandy.
Is-sapar aiasynda oblystyq QHA Analar keńesiniń keńeitilgen otyrysy ótti. Is-sharaǵa QHA Analar keńesiniń tóraiymy Nazipa Shanai jáne Keńestiń ókilderi qatysty.
Analar keńesiniń otyrysynda Assambleia qyzmetiniń basty baǵyttary boiynsha Keńeske qatysty birqatar máseleler talqyǵa salynyp, qatysýshylar óz oilaryn ortaǵa saldy.
